Specialista mester hasi peticion  y e comicion G.Z.C.ta dicidi


Ta masha importante pa bolbe informa y keda informa comunidad riba e procedura con AZV ta funcciona.    Tin hopi persona cu ta mal informa y por crea confusion innecesario.   
Aunke Aruba tin hopi specialismo medico, por sosode cu un persona ta bira malo y haya un malesa cu na Aruba dokternan no por yuda bo. 

Specialista ta e unico cu por hasi peticion:  


Bo specialista e ora ey ta haci un peticion na AZV pa bo haya cuido medico den exterior. Solamente cu un aprobacion adelanta di AZV, e gastonan di cuido medico den exterior ta wordo cubri. Akinan ta conta cu mester tin paspoort na ordo y of otro documentonan legal, por ehempel den caso cu ta aplicabel, un visa valido.

Comision Grensoverschrijdende zorg CGZ 

E peticion cu specialista haci ta wordo evalua door di un comision independiente, esta e “Commissie Grensoverschrijdende Zorg” (CGZ). 

E comision aki ta evalua a base di dos punto: 

Ta evalua si e tratamento cu ta wordo pidi ta medicamente necesario y si e ta tratamento cu ta wordo pidi no por wordo haci na Aruba. Tambe ta conta den e evaluacion cu conforme Ley AZV ta cubri tratamentonan cu ta ‘comun’ dentro di e specialismo medico.

Aprobacion: 

Ora cu bo haya un aprobacion di AZV, esaki ta nifica cu AZV ta bay regla e afspraak, biahe y estadia pa e asegurado y su acompañante social. E asegurado ta bay e pais cu AZV ta indica. E tempo pa warda pa haya un afspraak ta depende di e cantidad di luga cu tin disponibel na e hospital. Ora bo tin un aprobacion, AZV ta cubri: pasashi (ida y buelta) di e pashent y di un acompañante social, di cual e acompañante social tin un aporte propio di 300 florin pa e ticket, e gastonan medico (e.o. ingreso den hospital y e operacion of test), un compensacion pa hotel den forma di un carta di garantia di AZV y un aporte (financiero) pa yuda den e gastonan di cuminda y awa di e pashent.  

Dependiendo di e urgencia di e peticion, lo determina con lihe e asegurado ta bay exterior. E biahe ta pa medio di un avion comercial. Den caso di hopi urgencia, un air ambulance ta wordo regla.

Unabes den exterior

Unabes cu e asegurado ta den exterior, e ta ricibi e tratamento cu a wordo pidi. Sin embargo, por sosode cu na yegada den exterior, ta resulta cu e asegurado (pashent) por tin mas complicacion y of otro malesa. E ora e situacion ey ta wordo evalua di nobo door di CGZ y AZV. Durante di e tratamento den exterior e contacto entre e hospital den exterior, e specialista di Aruba y AZV ta keda. Asina por constantemente evalua e situacion y dicidi kico ta haci. Ora e asegurado keda cla, e ta regresa mas pronto cu ta posibel.

E proceso no ta cana na otro forma, esta cu e pacient ta solicita pa bay den exterior y ta pidi e specialista of minister pa firma.  

Conclucion ta:  cu pa bay den exterior,  ta bo resultado medico y tratamento medico (cu no tin na Aruba) ta determina.   Mester por compronde cu pa bay busca un 2ndo opinion den exterior, AZV no ta cubri esey.  

Minister cu firma, pa di prome no tin valides y pa di dos e por bay cera:  ministro no tin ningun autoridad den ley di AZV y no por firma. 

Den pasado,  prome cu ley di AZV,  minister tabata por a firma.  Pero esey ta prome cu aña 2000.   Nos tin 22 aña cu AZV y ya esey no te caso mas.   

Nos ta contribui na trece splicacion pa asina pueblo ta bon informa.  

LEAVE A REPLY

Please enter your comment!
Please enter your name here