Ta haya un cadaver den un container di sushi cu a custodia pa 2 luna e pedido di “un conoci”

0
756

Un homber residencia den un cas mobil, ubica den e poblacion di Bradenton (Florida) a topa cu un cadaver den un container di sushi cu pa dos luna prome el a laga den cuidado di un “conoci”, WWSB a reporta.

E fiel vigilante a vela cuidadosamente e encomienda en espera cu su doño a aparece, te ora cu un penetrante mal holo a cuminsa sali for di e recipiente cu no mester alberga sino obhetonan personal.

E ora ey el a dicidi habri’e y loke a presenta su dilanti tabata distinti na tur loke el a imagina: nada menos cu un curpa humano den descomposicion avansa.

Di inmediato el a yama polis y cuanto e tabata por riba e supuesto “conoci” cu a priminti bolbe pa coy su pertenencianan.

No mucho despues, polis a logra bin cu un fingerprint sospechoso cu a hiba nan na aresta Michelle Haney, kende pronto a acus’e di abuso di un curpa humano morto.

E caso ta cu e detenido tabata pareha di e difunto, identifica despues di autopsia como Jon Christopher Leonard, di 30 aña.

Haney ta bisa cu ora el a haya Jon morto, el a opta pa no informa polis y sconde e cadaver den un cashi.

Tres siman despues el a dicidi di bay leu, pa cual el a hinca e cadaver den un container di sushi, a sey’e y a deh’e den man di su bisiña ingenuo.

Aparentemente, Michelle Haney solamente a pretende di sigui cobra e pensioen di siguridad social di e fayecido Jon Christopher Leonard.

LEAVE A REPLY

Please enter your comment!
Please enter your name here