Ta reporta cu e tropanan Mericano ta den alerta maximo ante un posibel atake Irani na Medio Oriente

0
463

Tropanan Mericano desplega na Medio Oriente ta den alerta maxima y ta prepara pa responde na un posibel atake di Iran, Politico ta reporta, cu a papia cu un funcionario militar riba e asunto.

Te asina leu, Pentagono ta observando di cerca “e preocupante indicionan di e potencial preparativonan di atake” di e milicianan Irani na Irak, e fuente a agrega.

Den e Departamento di Defensa tin miedo cu Teheran por probecha e transicion presidencial na Merca y e retirada di e tropanan Mericano di Irak y Afganista, na momento cu tambe ta acercando e aniversario di e asesinato di e general Irani Qassem Soleimani, kende a muri den un atake di Merca, dia 2 di januari ultimo.

Ultimamente, casi un aña despues di e atake cu misilnan balistico Irani contra e base aereo di Ayn al Asad caminda mas di 100 militar Mericano a sufri lesionnan celebral, na Irak a intensifica e atakenan cu raket di gruponan ProIrani.

Diahuebs dos bombardero strategico B-52H Stratofortress a realisa un vuelo desde Merca pa Medio Oriente como un mensahe directo di disuasio pa Iran, y a regresa nan base na Barksdale, Lousiana.

Den otro pasonan similar den e ultiom simannan tambe ta e envio di e portavion USS Nimitz di buelta na e region y e despliege di un escuadron adicional di avionnan di combate desde Europa.

“No tin ningun plan di actua aki, tin un plan di transmiti un postura defensivo fuente cu lo duna un pauze na un potencial adversario,” e fuente di Politico a comenta, cu a agrega cu na e momentonan aki “ta prudente” mustra fuerte na Medio Oriente.

Formalmente, militarnan Mericano ta hustifica e despliege di su tecnica militar, afirmando cu di e forma aki a mustra nan compromiso cu nan aliadonan den e regio y ta contribui na e siguridad y stabilidad den e zona.

“E capacidad di manda bombarderonan strategico atrabes di mita mundo den un misio ininterumpi y di integra nan rapidamente cu multiple socionan regional ta demostra nos relacionnan profesional estrecho y nos compromiso comparti cu siguridd y stabilidad regional,” general Frank McKenzie, comandante di Mando Central di Merca, pa Medio Oriente a sigura e buelta aki respecto e despliege di e B-52.

LEAVE A REPLY

Please enter your comment!
Please enter your name here