Te ken mester drecha un Ministerio Publico cu no ta funcciona?

0
188

Ministerio Publico di Aruba ta riba e lista di e departamentonan cu no ta funcciona/sirbi.  Apesar di un cantidad di casonan di corupcion cu ta sosode den nos pais, unda tin pruebanan contundente,  por observa cu nada ta wordo haci toch.

Caso di Benny Sevinger:
Riba e caso di Benny Sevinger,  nos no a tende nada mas.  A impone riba Benny como 5 acusacion, unda el’a fraudeer cu tereno di pueblo.  Sinembargo e caso a “go cold”,  e caso a bira friew.   Den e caso aki tambe ta envolvi Leoncita Arends.   Ta hopi lamentabel pa mira cu es personanan aki a probecha di Gobierno, haya asina hopi beneficio personal,  enrikese nan mes,  y get away tambe.

Minister di Husticia:
Minister Adin Bikker no por mete cu asuntonan di Husticia.  E no por duna instruccion pa laga cera ningun hende.  Pero loke si ta cay bao su responsabilidad ta cu e departamento ey di Ministerio Publico mester funcciona bon.  Si na momento cu e no ta funcciona,  ta su deber pa atende esey y busca forma pa pone funcciona.   Den esaki Minister Bikker tin un responsabilidad sigur.

Confiansa:
Pueblo a perde confiansa y ta perdiendo confiansa den politiconan y den husticia, pasobra no ta sosode nada toch. Politiconan cu boca grandi a primiti di lo bay laga haci husticia, awe mester wak con cuatro aña a pasa bay voorbij,  y tur esnan cu a haci fechoria den gobierno anterior, ta cana liber keto bay.
Con ta start campaña? si ni por a haci husticia cu esnan cu a comete fechoria?  Ki confiansa ta duna pueblo?  Cu politiconan ta intocabel?  Cu politiconan por horta y un ta tapa pa otro?

RDA:
Cuatro aña a pasa bay y nada a sosode cu tur e fechorianan den RDA.  Nan a masacra placa di pueblo, goza, fiesta,  trece Destra Aruba,  pagando miyones di florin,  y NADA a sosode.   Tur cos ta mustra cu tin un grupo den MEP cu kier proteha e fechorianan di AVP.  Porque cera?   Nos a bin tende di multiple recibonan falso,  companianan cu a cobra sumanan exagera unda no tin splicacion ni hustificacion.  Tur esakinan ta bay den lachi di olvido?   Contract fo’i sla di Richard Arends.  Tur esakinan ta keda impune?    Politiconan lo tin hopi splicacion pa duna pueblo den 2021.

Ta ken mester drecha un Ministerio Publico cu no ta funcciona?

LEAVE A REPLY

Please enter your comment!
Please enter your name here