SOLO DI PUEBLO a haci un follow up riba e tema di pago di 5%, cu siman pasa diabierna tabatin varios confusion riba un noticia cu ta bisa cu RMR a desaproba e pago di 5%.
E realidad ta cu RMR no a ni trata e 5% diabierna, corda pa aproba of desaproba.
Secretaria di estado Sra. Van Huffelen a confirma cu el’a menciona den RMR, kico tur e ta bezig cune, pero e topico no tabata ni riba agenda, ni a wordo trata, ni a wordo vota, tampoco a wordo aproba of desaproba.
Kico te status?
SOLO DI PUEBLO a compronde cu e status ta igual na diaranson siman pasa, ora cu Premier a informa cu Hulanda no ta contento cu e cambio di ley LNT. A debati cu Secretario di Estado y a keda acorda cu lo sigui papia riba e tema aki.
Premier ta saliendo pa Hulanda pa topa cu Sra. Van Huffelen pa atende e tema aki, y Sra. Wever Croes a bisa cu e optimista cu e lo sali afor di esaki.
E reunion lo tuma lugar diaranson y pa diaranson mes lo tin noticia riba e resultado pa cu e pago di 5%.
Tin viaha un palabra erroneo, ta duna full un otro direccion di e noticia. Den e caso aki, pa tur claridad SOLO DI PUEBLO ta resumi cu diabierna ultimo e tema di 5% a wordo menciona dor di Van Huffelen, dunando un resumen di su trabaonan cu ta bezig. E no a wordo trata, e no tabata riba agenda y como cu e no a wordo trata, no tabatin un decision diabierna, ni aproba ni desaproba.
