Tene cuenta cu lo cera algun caya trempan pa Ban Bek Caya

En conexion cu e actividad di “Ban Bek Caya” diabierna 6 di juni den Caya Grandi, algun caya lo ta cera pa trafico pa asina duna e bendedornan y compania di sonido e oportunidad pa setup nan ekiponan.

Diabierna 9’or di mainta, lo cera e caya dilanti di ex-La Linda na e crusada di Emmastraat y Schelpstraat te cu Waterweg (ex-Wulfsen en Wulfsen). Ademas lo cera Columbusstraat 9’or di mainta pa trafico.

3’or di atardi, lo cera Caya Grandi completo pa trafico y lo habri esaki bek na final di e evento.

Ta pidi automobilistanan pa tene cuenta cu e cambionan aki.