E ultimo desaroyonan despues cu MP Evelyn W Croes a anuncia den un elecuente discurso national cu gobierno di Aruba a haya financiamento local pa por paga salarionan, fase, loonsubsidie, boticanan y dokternan pa e proximo lunanan a pone cu e relacionnan den reino a bay riba un otro nivel.
Expresionnan di MP Rutte cu nan no ta negociando e contenido di e Rijkswet CHE. Pero ta un prepuesta e ta y cu gobierno di Aruba mester disidi si ta accepta e proposicion y condicionnan di Hulanda, a crea masha desgusto den gobierno y den pueblo di Aruba.
Loke a desgusta hopi hende ta cu mientras gobierno di Aruba tabata kere cu nan ta negociando cu Secretario di Estado Knops, a resulta cu Knops a trese varios cambionan den e condicionnan pa haya 3 tranche di ajudo financiero di 204 miyon florin, sin consulta cu gobierno di Aruba.
Sushi:
E weganan sushi aki a pone cu gobierno di Aruba a nota cu Knops, no ta serio y no tin creabilidad, segun fuentenan a divulga.
Los di esaki a nota tambe cu tin mas asunto andando los di e rijkswet pa reforma cu a wordo proponi.
E falsedad di gaanja negocia ta mustra bon cla cu aki ta trata di un plan diabolico y agenda scondi. Hopi remarcabel ta e hecho cu Knops (CDA) y Rutte (VVD) ta solamente entresa pa aproba e Rijkswetten CFT y CHE pa Aruba.
Pa asina kita autonomia di Aruba mescos cu nan a hasi cu e Korsou y St Maarten na 10-10-10. E consensus rijkswetten aki lo kibra economia di Aruba y previligia gobierno di Hulanda den tur sector.
E senario peligroso aki pa bini cu e rijkswet CHE ta no solamente pa tuma over gobierno di Aruba y elimena parlamento di Aruba. Pero tambe pa duna nan e poder pa tuma over nos empresanan national manera Setar, Web, AAA, Apa -y tuma over tur nos recursonan national den lamar rond di Aruba y den Caribe. Pa nan/Shell cuminsa bora gas y petrolio pa hiba tur ganashi Hulanda.
Nan ta conoci como ” roverstaat” y lo bay cu tur riquesa cu tin na Aruba. Na nos humilde opinion e terquedad di Hulanda pa chantagia nos gobierno pa un tayo di cuminda ta contra tur tratado di derecho humano reconoci pa UN.
E hecho cu gobierno di Reino a bini cu exihencianan y condicionnan draconico, cu ta inhumano pa existencia di AZV caminda nan a wordo obliga pa corta 5 miyon florin tur luna durante e pandenia covid-19 ta un wega hopi peligroso.
Ban ta cla e plan diabolico aki di Hulanda ta hopi peligroso y premedita. Loke nos a experencia e ultimo luna durante e pandemia covid-19 ta cu gobierno di Reino tin algo na cachete.
Tur hende ta nota un desaroyo hopi ferfelo e ultimo lunanan caminda articulonan den e Statuut a bira un “dode letter”.
Abiertamente Gobierno di Hulanda no kier respeta Statuut y desicionnan democratico di gobierno di Aruba. Ta mustra cu gobierno di Hulanda no kier colabora y ta hungando cu candela! Lo continua analisa e situacion aki den un proximo articulo.
