Den un informe publica riba Cronicas de Caribe ( pagina di Noticia), Sr. Junior Garcia di Aruba Postive Foundation a declara cu apesar cu informe oficial ta bisa cu tin 17 mil Venezolano ilegal na Aruba, na calculo di su fundacion tin 30 mil Venezolano ilegal na Aruba.
Garcia ta sigui bisa cu na su conocimento tin 400 Venezolano cu tin Sida na Aruba y kendenan lo no por bini na remarke pa haya un permiso pa trabao of estadia of residencia y asina tampoco por haya acesso na AZV.
Su Fundacion ta brinda asistencia na 150 Venezolano cu e tin registra cu tin malesa di Sida, unda e ta yudandonan cu e cuido medico y asina el’a haya sa di e maltrato y descriminacion cu tin.
E costo mensual pa trata un persona cu tin Sida na Aruba ta costa entre 315 florin cu 1800 florin.
Dor cu e sumanan aki ta astronomico, e ta pone cu e Venezolanonan ta cay den situacion di explotacion laboral y sexual.
