Elegancia y logro a bin hunto n’e Hyatt Regency na Trinidad & Tobago, caminda Sagicor a fungi como anfitrion pa su tan spera Ceremonia di Premio Anual bao di e tema potente “Legacy Amplified” (Legado Amplifica). E anochi a reuni e miho asesornan, lidernan y miembronan di ekipo di Aruba y Trinidad & Tobago pa un celebracion cu a honra tanto e compromiso duradero como e rendimento excepcional di aña 2025.
E premionan a wordo presenta n’e miembronan di ekipo bao di e liñanan di negoshi di e compania financiero na Aruba y Trinidad & Tobago. E ekipo di Aruba tabata lidera cu orguyo pa General Manager Randall Croes, mientras cu e ekipo di benta tabata bao direccion di Sales Manager Sonja Velthuizen.
E anochi a habri cu un reconocimento sincero p’e añanan di servicio, caminda e Presidente y CEO di Sagicor Life Inc, Robert Trestrail, a honra e individuonan cu a cumpli 20, 25 y 30 aña di servicio den e organisacion.
Despues di cena, e atencion a desvia p’e excelencia den rendimento. Chief Revenue Officer Paul Inniss y Vice-President di Benta Jacinto Martinez a entrega e premionan cu ta reconoce e logronan di mas halto den reclutacion y produccion.
Segun e evento tabata avansa, e premionan a transiciona p’e reconocimentonan mas prestigioso di e organisacion. E honornan final aki a encapsula e esencia di “Legacy Amplified,” celebrando e individionan kendenan nan rendimento no solamente tabata excelente, sino cu a eleva e organisacion completo. Aki ta sigui e lista di e ganadonan principal di e anochi:
- Honours Club: Natalia Marquez-Hidalgo, Shameeza Van Loon, Fatima Bernier, Leila Faustin.
- Leading Producer Net Annualised Premium Income and Net Annualised Commission: Gregory Lyder.
- Leading Producer Persistency: Leila Faustin.
- Advisor of the Year (Asesor di Aña): Shameeza Van Loon.
E Premionan Anual 2026 a sirbi como un recordatorio potente cu e legado di Sagicor no ta statico — e ta wordo construi, expandi y amplifica continuamente pa e personanan cu ta biba e balornan di e compania tur dia di nobo.
