** photo circulando via wasap

Update: Diaranson mainta 10.15 comunidad di Sanicolas a sinti un explosion duro, cual a bini di e tereno di refineria, cual a tembla varios lugar den cercania.

Polis, Bombero y Ambulans a acudi na e sitio.

Ta trata aki di un truck cu tanki di azeta riba dje cu a explota y tin 3 persona herida.

Por compronde cu e truck aki ta wordo usa pa hasi limpiesa di tankinan.

Truck tabata riba trabao:

E compania a haña un work order pa bay hasi aprox. 8 pa 10 bari di 1000 liter (55 gallons) bashi. E barinan aki ta restante di varios productonan petro quimico di aña 2011. Den un of mas di e barinan aki nan contenido tabata Hydrogen Peroxide 50%. E operadornan di e truck no tawata na altura di e presencia di e chemico Hydrogene Peroxide 50% y e warehouse manager lo por a underestimate e efecto di esaki ora cu e mescla cu otro quimiconan. Door di esey e explosion y resultadonan conoce.

Pues tur cos a draai rond di un mescla cu e producto hydrogen peroxide 50% cual aparentemente mester a reacciona cu un tiki producto cu a keda den e tanki di truck desde ayera.

Hydrogen peroxide 50%

E peróxido di hidrógeno di 50% ta wordo usa den diferente aplicacion industrial, manera como blanqueador, desinfectante, y como oxidante den procesos quimico. Tambe e ta wordo usa den tratamento di awa y den fabricación di producto químico.

Ta esencial segui e precaucionnan di seguridad ora di traha cu e concentración aki, debi na su propiedadnan corrosivo y oxidante.

Por compronde cu no tin candela na e sitio di incidente.

Grounding di truck;

Por compronde cu e hydrogen peroxide lo a mescla cu un producto residu (restante) den e tanki, pero tambe por compronde cu ora di mescla chemicals, mester ground e truck, y den e caso lo por ta posibel cu no a haci e grouding di e truck. Un investigacion mester determina cu exactitud loke a sosode.

Un di e heridonan ta di arededor di 40 aña y tin dolor na nek, pecho y brasa…..E otro di mas o menos di 30 aña y tin un sla na su cara y tin hopi dolor den pecho.

Un 3cer victima tabata na e sitio unda trabaonan tabata wordo haci pa cual dor di e explosion, algo a bin cay riba dje.

Condicion: nos a compronde cu un victima ta hopi grave, un ta grave y un ta leve herida.

LEAVE A REPLY

Please enter your comment!
Please enter your name here