Truck di brandweer nobo a yega Aruba, apesar cu oposicion a vota contra
Dialuna mainta Solo di Pueblo por a capta algun imagen di un truck nobo pa brandweer cu a yega Aruba.
Brandweer den e 8 añanan di gobierno anterior a wordo malamente neglisha. Tur cos tabata colga riba un hilo. Materialnan tabata bieuw, neglisha y un ex constelacion di hefe cu no tabatin Brandweer na serio.
Ora cu na Juli 2021 a core bay parlamento pa busca un bendicion pa order truck nobo, oposicion a vota contra.
E tempo ey nan a prefera di lansa tur sorto di calumnia, pero menos di realisa e seriedad di e material cu Brandweer tabatin mester.
Apesar di esey coalicion a sostene y awor por mira cu poco poco e trucknan ta yegando.
Tur esaki tin un solo nomber: Davni Rosa, presidente di sindicato di bombero, Sinba. Mas di 100 persona a firma pa pidiel’e pa bin bek den Sinba y pe tuma e riendo over. El’a accepta e reto, den momentonan cu cosnan tabata dificil.
E te homber cu a persevera, lucha, bataya, hasi su trabao on point! No a a subi caya pa perde tempo, pero a keda gefocus riba minister pa asina awe por mira un avansa nunca antes visto.
Post na Sanicolas tambe lo bay wordo renoba, no just cosmetica, pero un renobacion total.
Pues, e persistencia, e pasenshi, ta duna fruta.
Esaki ta foto di e truck cu ta na Aruba y pronto lo yega na su cas nobo, na post na Tanki Flip.
