Donald Trunp a confirma cu dialuna 15 di september nan a ataca un segundo boto den lama Caribe, cu segun e informacion tabata transporta tres persona di nacionalida venezolano describi coml “narcotraficante” i “narcoterrorista”.
Segun e comunicado oficial, e operacion a wordo ehectua bou di ordo directo di presidente Donald Trump.
Esaki ta un SEGUNDO atake contra cartel di droga i narcoterroristanan cu a wordo identifica como extremadamente violento, den area di responsabilidad di Comando Sur, Trunp a publica riba plataforma Truth Social.
Tres morto den operacion
E boto tabata nabega den awa internacional ora e forsanan militar mericano a intercept’e i dispara contra dje. Tres homber venezolano a perde nan bida. Trump a insisti cu ningun miembro di su tropa no a wordo lastima den operacion.
Cu tono di advertencia, e mandatario a manda su mensahe: “Atencion! Si bo ta transporta droga cu por mata mericank, nos ta buscabo y ta hayabo.
Reaccion di Maduro
For di Caracas, Nicolas Maduro a reacciona cu indignacion i a pidi cu tin cu investiga e atake contra un boto venezolano. Pa Maduro, loke a sosode ta un acto di agrecion cla contra Venezuela.
El’a agrega cu e no tin comunicacion diplomatico cu Merca y cu su pais ta mas prepara awor pa un posibel confrontacion arma.
Tensionnan ta crece den lama Caribe
Cu e dos atakementonan recien, e tension diplomatico i militar entre Washington i Caracas a subi mas. Administracion Trump ta acusa Maduro di lidera e conocido Cartel de los Soles, un cos cu Caracas ta sigui rechasa.
