Diaranzon atardi algo pasa di 4.or a termina un consulta cu lidernan politico di tur partido. Den e debate aki, tur lider politico a expresa cu nan ta CONTRA e forma di procede di Hulanda y asina tambe CONTRA e condicionnan imponi.
Cu tur partido politico, 100%, para hunto tras di e opinion aki, Minister President lo no tin otro choice pa anuncia cu Pais Aruba ta contra e condicionnan imponi pa Hulanda.
Cu esaki, Hulanda lo mester bay reflecciona y re evalua nan postura instransigente y percura pa bini cu un cambio den nan postura. Si nan laga e islanan na caya, mas cu claro cu instancianan internacional, tratado internacional di colonia, lo bay ta baha pisa riba Hulanda.
