Desde 3 di Februari lo flexibilisa entrada pa turistanan (NO-residente);
Cu esaki kier kita otro drempel cu lo impedi Turista di bini Aruba.
Aruba su turismo a cay debi na e variante Omicron, cu a trece cune medidanan mas pisa. Tambe e categoria di riesgo cu Merca a pone pa Aruba. Por mira e caida aki den luna di Januari. Pa haci’ele mas facil pa turistanan bini Aruba, lo bay flexibilisa desde 3 di Februari. Asina Promer Minister a declara diabierna atardi.
Desde 3 di februari, tur turista cu bini Aruba cu ta vacuna completo, lo no mester pasa test ni na Merca ( of otro pais) y ni tampoco na Aruba.
Esaki sigur lo bay yuda stimula e turistanan pa sigui escoge Aruba.
