E virus ta diseña pa elimina cancer mortal. Su resultado a wordo proba den animal.
Vaxinia ta un virus cu ta come cancer, es decir, cu e ta prefera pa ataca y infecta e celnan di tumor canceroso.
Cientificonan a tuma e prome paso pa un terapia experimental contra cancer, pa cual nan a usa un virus diseña pa mata e celnan canceroso.
Ademas, e virus aki ta amplifica e condicion inmunitario di e curpa pa cu e cancer. E idea ta pa trata cancernan di tumornan solido y den estado avansa, den combinacion cu otro terapia.
E virus CF33-hNIS, cu tambe ta wordo yama Vaxinia, a wordo crea originalmente pa cientificonan di e Centro Médico Nacional City of Hope na California. Nan a selecta 100 persona pa awor hasi e prueba aki den humano.
Vaxinia ta un virus oncolítico, cu ta ataca y infecta celnan di tumor. El’a wordo modifica geneticamente, cu ademas di infecta y daña e celnan canceroso, tambe ta obliga e celnan pa ta mas reconocibel pa e sistema inmunitario.
Den e prome testnan cu animalnan y cu experimento di laboratorio, a keda demonstra cu e virus ta reduci e tamaño di e tumornan di cancer di colon, pulmon, pecho, ovario y pancreas.
“Ahora es el momento de mejorar aún más el poder de la inmunoterapia, y creemos que CF33-hNIS tiene el potencial de mejorar los resultados para nuestros pacientes en su batalla contra el cáncer”, Daneng Li, profesor asistente di Departamento do City of Hope di Oncología Médica y Investigación Terapéutica a bisa.
Vaxinia lo wordo purba den un test den Fase 1, cu ta encera 100 pacient di cancer cu tumor solido y avansa of cu a zaai uit cu anteriormente ya caba a purba dos otro tratamento. E prueba aki lo completa na 2025.
