Contaminacion di aire ta un di e menasanan mayor di medio ambiente y pa e salud humano, banda di e cambio di clima. E Protocolnan nobo di e Organisacion Mundial di Salud (O.M.S. – W.H.O.) di e calidad di aire ta duna pruebanan cla di e daño cu e contaminacion di aire ta infligi riba e salud humano den concentracionnan ainda mas abao di loke a supone te cu awor. E protocolnan ta recomenda calidadnan nobo di e nivelnan di aire pa proteha e salud di e poblacionnan, mediante e reduccion di e nivelnan di e contaminacion principal di aire, algun di nan tambe ta contribui na e cambio di clima.
Desde e ultimo actualisacion mundial realiza pa e Organisacion Mundial di Salud na aña 2005, a produci un aumento notabel di e pruebanan cu ta demostra con e contaminacion di aire ta afecta e diferente aspectonan di salud.
Pa e motibo aki, y despues di a conduci un revision sistematico di e evidencia acumula, OMS a ahusta casi tur e nivelnan di criteria di e calidad di aire pa mas abao, cu ta adverti cu si supera e nivelnan nobo aki kiermeen aumenta e riesgonan significativo pa salud humano. Sin embargo, na e mesun momento, y cumpliendo cu nan ,esaki por significa salba miyones di bida.
Ta ser calcula cu cada aña e exposicion na contaminacion di aire ta causa 7 miyon di mortonan prematuro y ta provoca perdida di calidad di salud y di bida hopi aña pa mas miyon di hende.
Den muchanan, esaki por nifica un reduccion di e crecemento y e funcion di nan pulmon, infeccionnan respiratorio y un estado di astma mas grave. Den adulto, cardiopatia iskemica (unda e fluho di sanger pa e curason no ta optimal y esaki ta afecta e adernan di curason) y e accidentenan celebral-vascular ta e causanan mas comun di morto prematuro cu ta ser atribui na e contaminacion di e aire di exterior.
Tambe tin pruebanan di otro efectonan manera diabetes y enfermedadnan neuro-degenerativo ta manifestando nan nan mas. Esaki ta atribui e carga di e enfermedadnan na e contaminacion di aire riba e mesun nivel cu otro riesgonan importante di salud riba nivel mundial.
Pues a keda comproba cu contaminacion di aire ta un di e menasanan medio-ambiental pa salud humano, junto cu e Cambio di Clima. Mehorando e calidad di aire lo yuda e esfuersonan contra cambio climatico mas efectivo, mientras cu reduccion di e substancianan descargada den aire na su turno lo mehora e calidad di aire y bida pa ciudadanonan.
Hasiendo esfuerzonan pa alcansa e nivelnan aki di criterianan di e protocol pa Calidad di Aire, paisnan lo proteha tanto e salud humano como mitiga cambio mundial di clima.
E protocolnan nobo di W.H.O. ta recomenda niveles di calidad di aire pa seis contaminante, unda ta dispone di datonan mas reciente en cuanto e efectonan cu salud di hende a wordo expone na dje. Ora cu a tuma accion di e contaminacion clasico aki —particulanan descarga (PM), ozono (O₃), dioxido di nitrogeno (NO₂), dioxido di azufre (SO₂) y carbon monoxide (monoxido di carbono) (CO)—, tambe tin impacto riba otro contaminacion dañino.
Na aña 2013, e contaminacion den e aire exterior y e particulanan den aire a ser clasifica como carcinogenic pa e Centro Internacional di Investigacionnan di Cancer (CIIC) pa WHO.
“Contaminacion den aire ta un menasa di salud pa tur pais, pero e ta afecta e habitantenan di tur pais di ingresonan abao y medio mas duro, Dr. Tedros Adhanom Ghebreyesus, Director General di W.H.O. a remarca.
Protocolnan nobo di W.H.O. tocante e calidad di aire ta un instrumento practico y basa riba un evidencia pa mehora e calidad di aire, cu nos bida ta depende di d’je.
“Mi ta urgi tur pais rond mundo y tur cu ta lucha pa proteha nos medio ambiente pa pone nan na uzo y reduci e sufrimento y salba bidanan.” Asina Presidente di Organisacion Mundial di Salud a declara. Pues pa paisnan chikito manera Aruba, cu poco entrada y recurso, nos ta poniendo nos salud y bienestar economico na riesgo cu e dump manera un seru cu ta huma barionan di habitantenan, Aeropuerto y Hotelnan. Pesey mes STICHTING PARKIETENBOS a traduci e comunicado aki di Organisacion Mundial di Salud pa comunidad di Aruba na altura di e cambio di criterianan pa cu calidad di aire y ta urgi gobierno pa bin cu un plan pa a termino corto para e kimamento y humamento di e barionan y area economico den e besindario. Mester implementa un plan cu ta mitiga e situacion a termino corto, mientras ta traha riba e plan pa termino largo. E fundacion di e bario ta urgi gobierno pa no sigui basha sushi y concret riba e sero pa e no sigui crece, mester separa e palette y tirenan pa nan wordo procesa y manda desperdicio berde pa machica y yena buraconan grandi cu tin na cantidad rond Aruba y tapanan. Ya ta pa algo mas cu un siman cu e habitantenan di e barionan a ripara cu e molester di huma y holo malo a bira menos. Nos ta spera cu esaki bira permanente, asina e derecho di hala rosea di aire limpi di e habitantenan ta wordo respeta y salvaguardia.
