Weganan di Diadomingo di La Liga Santander

0
15

DEPORTES – Despues di wega di FC Barcelona contra Getafe, a sigui mas wega di campeonato di futbol di La Liga Santander cu 3 wega mas.

Cadiz a enfrenta Osasuna y a cay venci cu score di 3-2, golnan di Osasuna a wordo anota pa Kike, Roberto Torres y David Garcia, golnan di Cadiz a wordo anota pa Alex Fernandez cu tur dos gol.

Rayo Vallecano ta logra nan prome victoria di campeonato ganando Granada cu score di 4-0, golnan di Rayo Vallecano a wordo anota pa Alvaro Garcia, Oscar Trejo, Randy Nteka y Santi Comesana.

Ultimo wega pa e fecha aki tabata entre campeonnan di aña pasa Atletico Madrid y e submarino geel di Villareal.

Den e wega aki Villareal tabata 2 biaha den ventaha, pero no por a mantene esaki y e wega a termina empata 2-2, golnan di Villareal a wordo anota pa Manuel Trigueros y Arnaut Danjuma, golnan di Atletico Madrid a wordo anota pa Luis Suarez y auto gol di Aissa Mandi.

Top prome 5 ekiponan riba tabla di posicion despues di tres wega a keda, na prome lugar Real Madrid cu 7 punto, na di dos lugar ta Sevilla tambe cu 7 punto, na di tres lugar ta Valencia tambe cu 7 punto, na di cuater lugar ta Barcelona tambe cu 7 punto y na di cinco lugar ta Atletico Madrid cu 7 punto, puestonan ten a e momento aki ta diferencia di gol.

LEAVE A REPLY

Please enter your comment!
Please enter your name here