E entrenador di Real Madrid, Zinedine Zidane, a expresa su preocupacion pa e incapacidad di su ekipo pa dal buelta na e partidonan despues di a cay derota diasabra 1-2 contra alaves, den cual el a describi como e pio comienso di partido di e blanconan pa loke ta e temporada.
Real Madrid mester a sinti su mes confia despues di a vence Inter di Milan 2-0 den e partido di Champions League di diaranson, pero a keda atras den minuut 5 despues di un gol di penalty di Lucas Perez.
E campeonnan actual di e Liga, merece den cuadra un di dos gol poco despues ora cu Perez a sortea e trampa p’afo di e wega, pero a purba e delantero, a keda frustra pa e intervencion di e keeper Thibaut Courtois.
E portero Madridista a comete un teribel eror na principio di e di dos parti, door di manda un pase perdi na e delantero Alaves Joselu, cu a marca cu facilidad.
“Cuminsa manera nos a cuminsa tabata e pio comienso di nos temporada. (…) Den tras dia nos a bin cu un partido manera esun cu nos a haci na Milan y despues awe e otro partido complica aki.
Mi no tin splicacion, loke nos ta bay haci ta analisa e cosnan entre nos y despues pensa den cambia e dinamica aki,” Zidane a bisa.
“Na final, ora cu nan ta hinca un gol despues di cinco minuut, nos tin tempo pa bolbe na e partido, pero parce cu cos a complica hopi pa nos.
(…) Nos no ta cambia of nos no por cambia den un partido e dinamica dentro di e partido. Esey ta molestiami y mi ta kere cu e hungadonan tambe,” el a bisa.
Real Madrid ta acusa e ausencia di seis hungado, entre nan e titularnan Sergio Ramos y Karim Benzema, y a perde Eden Hazard pa un lesion, aunke Zidane a bisa cu e ta kere cu e Belga solamente a sufri un golpi.
E tecnico Frances a bisa cu el a spera cu su ekipo mehora despues di e regreso di e hungadonan lesiona.
“Nos tabata tin problema cu hopi lesion. Nos no ta bay busca excusa, pero si e realidad y mi ta spera cu nos recupera tur e hungadonan pa otro dinamica,” el a bisa.
“E proglema cu nos tin ta regularidad, e ta cla.”
