Parlamentario Endy Croes na un manera basta idigna ta splica cu Mike Eman, Gerlien Croes y Geoffrey Wever di Gabinete Eman Croes Wever a trapa formalmente riba un acuerdo di IPKO y a falta tur clase di respet pa Democracia di nos pais.
Acuerdo elegante cu a logra den IPKO pa ora trata cu Consensus Rijkswet:
Como cu e tema Rijkswet ta uno delicado y cu ta lanta hopi emocion, despues di hopi debate riba e nivel di Parlamentonan di Hulanda, Aruba, Corsou y St Maarten a logra yega na un palabracion hopi elegante September 2022 durante reunionnan di IPKO.
Acuerdo na punto 1 ta skirbi comotal:
‘De regeringen van de caribische landen zouden met inachtneming van het dualisme vooraf en in het hele vervolgprocess moeten nagaan of er voldoende steun in hun Parlamenten bestaat om te komen tot een consensusrijkswet. Over de aan of afwezigheid van voldoende steun zouden Nederlandse parlamentariers en Statenleden elkaar in ieder fase van het totale wetgevingsproces actief RIA informeren’.
Acuerdo na punto 3 ta skirbi comotal:
‘Eerlijk en open onderhandelingen, alsmede transparantie, dialoog en continuiteit in de informatie voorziening zijn belangrijk gedurende het hele proces, in het bijzonder wanneer een mogelijk beroep op de waarborgfunctie ex art 43 lid 2 Statuut aan orde zou kunnen komen. (Het waarborgen van vrijheden, rechtzekerheid, en deugdelijkheid van bestuur is aangelegenheid van het Koninkrijk)’.
Gerlien Croes,Mike Eman y Geoffrey Wever a actua di malafe: Gerlien Croes a forma parti di reunionnan di IPKO September 2022 y ta altura e tempo aya como Parlamentario di e “acuerdo” aki riba menciona cual ta alivia cualkier negosacion di cualkier posibel ‘Rijkswet’. Pues promer cu Gobierno yega na un Consensus pa un Ley di Reino mester percura pa tur partidonan sigur Parlamento di dicho pais ta di acuerdo y ta sostene un Ley di Reino promer cu e Gobierno di turno duna e compromiso final “consensus”pa e Ley di Reino por inicia cu su ruta y proceso. Gerlien Croes hunto cu Mike Eman y Geoffrey Wever a hasi net lo contrario, yega na compromiso y Consensus cu Hulanda pa e proceso por cuminsa SIN bin Parlamento, SIN informa pueblo. Transparencia y Dialoga ta wordo usa den nan vocabulario pero nunca nan a cumpli cu esaki. Esaki nos ta yama na papiamento criyoyo LADRONNAN di anochi Gerlien, Mike y Geoffrey a bende patria Aruba, bende nos autonomia barata y ta bay den histioria como TRAIDOR y ENTREGUISTA di pais Aruba. Pa mas informacion nos ta invita pueblo dialuna 1 di september 2025 pa 730pm pa un reunion di caracter di urgencia na Cede di MEP.
