SkillsTown ta lansa su akademia internashonal den koperashon ku Teamwork Curaçao.
For di òktober di e aña aki e plataforma edukashonal online SkillsTown no ta keda solamente riba e merkado Hulandes. Enkabesá pa Bart Hogendoorn, ex-Managing Director na entre otro HP i Sap, Skills town a ekstendé pa Sürnam i Sur Afrika. For di 1 di desèmber 2020 nan lo ekspande nan merkado pa Aruba, Boneiru, Kòrsou, Saba, Sint Eustatius i Sint Maarten.
Huntu ku un empresa edukashonal lokal
Den koperashon ku Teamwork, e plataforma edukashonal online pa kompanianan den Caribe, lo ser lansa. Danielle van Joolingen, doño di Teamwork ta informá entusiasmá: “E demanda pa online learning den nos region ta kresiendo. Mas i mas organisashon ta mira e nesesidat pa invertí den e desaroyo di nan empleado. Nos koperashon ku SkillsTown a bin na un bon momento. E bentaha di e plataforma edukashonal di SkillsTown ta ku un organisashon por hasi uzo di mas ku 500 training on line. Tambe un organisashon por produsí nan mes training riba e plataforma, por ehèmpel riba tópiko manera ‘onboarding’ òf otro tópiko spesífiko relatá na e organisashon. Un ‘learning management system’ ekstensivo ta registrá i mantené e progreso di un kursista. Tur esaki por wòrdu presentá den e ‘look and feel’ manera e kliente ta deseá.”
“Nos ta sumamente kontentu ku nos kolaborashon” Bart Hogendoorn, Managing Director di SkillsTown International ta bisa. “Hustamente dor di nos kolaborashon ku un empresa lokal nos por sirbi e merkado korektamente. Teamwork sa kua nesesidat tin den region i kua benefisio nos plataforma por tin pa kompania den Caribe. Tambe ta un bentaha ku kasi henter e portofolio di entrenamentu ta disponibel na hulandes. Ademas e tim di SkillsTown ta desaroyando tur training den idioma ingles pa e otro partinan den nos region.
Aktividatnan den Caribe
SkillsTown i Teamwork ta kuminsá ku nan plataforma edukashonal online inkluyendo mas ku 500 training desde desèmber. Kada luna ta agregá kontenido nobo riba e plataforma, manera training riba abilidat digital, kon ta trata ku stress, ‘timemanagement’, idiomanan stranhero i hopi mas ‘softskills’ i ‘hardskills’. Durante lansamentu di e plataforma edukashonal lo konsentra riba e merkado B2B pa eduká empleado i subi nan abilidat pa traha den mas parti di un kompania.
Tokante SkillsTown
SkillsTown ta é plataforma edukashonal online pa profeshonalnan. Via ‘on demand learning’ SkillsTown ta hasié posibel pa kompania, organisashon i nan empleadonan pa sigui e moveshon den e área edukashonal den un mundu ku konstantemente ta kambia. Den forma di sientos di online training den diferente forma di edukashon SkillTown ta stimulá formanan edukashonal nobo i propio den kada etapa di un organisashon òf un empleado. Asina ta oumentá e konosementu i abilidat di e empleado i esaki ta yuda krea un empresa atraktivo.
Tokante Teamwork
Teamwork ta speshalisá den training, edukashon i coaching kual ta yuda mehorá organisashon i desaroyo personal. Den último añanan Teamwork a desaroyá den é sentro di konosementu den training i edukashon den region. Teamwork ta uza diferente forma di siñamentu, online test i ‘digital classroom’. E teoria ta interkambiá ku ehersisio, casus i rollenspel. Nos ta kualifiká pa buska un solushon pa tur tipo di nesesidat ku tin den parti di edukashon. Teamwork tin e rekonosimentu ofishal di Cedeo (Cedeo erkenning) i tin e NTRO keurmerk.
Pa mas informashon por tuma kontakto ku Teamwork Trainingen, Opleidingen & Coaching Danielle van Joolingen | +599 9 7882222 | info@teamworkcuracao.com
