Famia tey pa stima otro, pa conseha otro, pa yuda otro, pa biba bon cu otro,pa sostene otro,famia ta un curpa, cu ta depende otro, Dios ta stima union den famia, pasobra famia ta institui door di Dios.
E enemigo ta odia famia, pasobra e ta odia union, pasobra e a bin solamente pa horta, pa mata, y pa destrui.
Cada famia dividi, cada pareha den separacion, cada caso di divorcio, cada mucha cu no ta biba hunto cu su mayornan, cada tata cu bandona cas, ta pone un peso riba nos bida social.pasobra famia mester ta uni.
Wak bon den mundo di animal, mayoria ta cana hunto, wak con e leon, e wolf, e carne,hasta olifante, tene cuenta cu e mancha di masbango den laman, wak con vruminga, y abeha ta biba hunto, esey ta un muestra cu union mester ta existi.
Pero for di principio di mundo nos ta mira con Famia, ta wordo ataca, y con e enemigo a drenta y causa desaster, Abel a wordo mata pa su ruman, Hose a wordo bendi pa su rumannan, David a wordo rechasa pa su ruman, Jefte a wordo rechasa pa su rumannan, y tin varios mas cu tabatin mesun problema den famia.
Awendia famia ta destrui otro pa motibo di herencia, yiunan ta kibra otro pa algo cu nan ningun no a traha pe ni tampoco a inverti ningun cen aden, ruman ta hiba otro corte, ruman ta menasa ruman, ruman ta sera porta pa otro, mientras cu Dios ta bisa pa stima otro como ruman, y biba den pas cu otro.
Mihor djis un tiki cu e temor di Senjor, cu gran tesoro,y problema hunto cune.( Proverbionan 15:16).
Palabra di Dios ta instrui nos ta trata otro bon tur momento bisando; No laga ningun palabra danino sali for di boso boca,sino solamente,palabra cu ta bon pa edificacion, conforme e necesidad di e momento, pa esaki por duna grancia na esun cu ta tende.( Efesionan 4:29).
Comprende esaki, mi rumannan stima. Tur hende mester ta lihe pa tende, no lihe pa papia, y no lihe pa rabia,pasobra rabia di hende no ta produci husticia pa Dios.( Santiago 1:19-20)
Tin hende ta rabia sin motibo, tin hende ta usa rabia como nan parti di nan manipulacion, pa asina haci y logra locual cu nan kier, bibando den un estado cu no por bisa nan nada pasobra nan ta rabia, asina boso por wak con leu enganjo di diabel por yega, y otro nan tin cu warda te ora nan rabia baha, pa asina por papia cu nan, mientras cu henter famia ta sufri.
Tin hende ta rabia y ta separa nan mes for di nan famia, pero nan ta bibando den mesun cas, pero diabel ta pone cu nan no tin comunicacion cu otro, pasobra desunion no ta bini di Dios, Dios ta amor, y amor ta bini di Dios, y esnan cu ta di Dios ta stima nan ruman, especialmente miembro di nan propio famia.
No papia malo cu otro, ni tampoco di otro, pasobra palabra di Dios ta bisa: Laga boso palabranan ta semper cu gracia, sasona cu salu, pa boso por sa con boso mester contesta cada persona.( Colosensenan 4:6).
Y boso soporta otro y pordona otro, si un di boso tin keho contra otro, mescos cu Senjor a pordona a boso asina boso tambe mester haci.Y ademas di tur e cosnan aki , bisti amor cual ta e laso perfecto di unidad.( Coloensenan 3:13-14).
Ora e pas di Cristo ta goberna den un famia, e famia ta un ehempel solido pa comunidad.
Sinceramente, Pastor Marcel Balootje
