Anja a habri y nos conoce 5 morto tragico . Hende den recuperacion na hospital, famia den dolor, y hopi hende preocupa. Pasobra nos no conoce situacion tristo asina aki, Oh Dios tene misericordia..
No ta bay pa asunto di religion, pero e reaccion di nos pueblo den oracion ta nifica hopi den presencia di Dios.
Dios mes a bisa den 2 Cronicanan 7:14 kico e pueblo mester haci y con Dios lo contesta.
Dios mes a bisa e plan cu e tin cu nos den Jeremias 29:11.
Dios mes a bisa di e seguridad cu nos por tin ora nos confia den Dios den Isaias 41:10 y 13.
Dios mes a bisa con bendiciona nos ta ora nos pone nos confiansa den Dios den Isaias 26:3-4.
Pero gran advertencia a wordo duna na nos den 2 Timoteo 3:1-5 tocante tempo trabahoso den cual nos ta bibando.
Otro advertencia a wordo duna na tur hende, pasobra e yega tempo pa tur hende lesa e palabra di Dios, pa nan ta na altura kico ta pasando, kico ta berdad y kico ta falso of artificial.
Ta para scirbi den 1 Pedro 5:8 Sea sobrio, sea alerta , Boso adversario, e diabel ta cana rond manera un leon cu a grunja buscando ken e por devora.
Awor nos a wordo adverti y a bira tempo pa nos uni den oracion, laga cada cas riba nos isla haci Oracion, oracion mester wordo haci na scol, den oficina nan, riba caya, den iglesia, den misa, den tur lugar cu hende ta uni den comunion cu Dios.
Pero tambe tin hopi porta cu mester wordo sera.
Porta di idolatria.
Porta di bruheria,
Porta di santeria.
Porta di uso constante di alcohol.
Porta di constante uso di droga.
Porta di adulterio, inmoralidad, parandiamento tur dia,y hopi falta di respet pa ley.
Porta di orguyo y falta di temor di Dios.
Si un hende sa cu e tin un di portanan ey habri den su bida e mester arepenti y aparta for di pica.
Corda locual ta para scirbi den Galationan 5:19, locual ta para scirbi den Romanonan 1:28-32.
Corda bon cu nos tur a peca y ta falta e gloria di Dios, Corda cu e plan di salbacion ta pa tur hende, ( Juan 3:16-19) pasobra Dios no kier pa ningun hende bay perdi.
Laga pordon ta di curason y stop di venga y stop di planea pa venga, pasobra no tin ganashi den vengansa, stop di papia malo di otro, stop di kibra famia di otro, y stop di cana cu mal pensamento.
Laga e asunto di Karma para un banda y sabi cu Husticia di Dios ta yega pa tur hende, pesey nos mester haci hopi oracion, entrega tur cos den man di Dios, pasobra Dios mes lo atende tur asunto cu tur hende.
Tata Santo awe nos ta bini bo dilanti como un pueblo,
Na prome lugar nos ta arepenti di nos picanan y nos ta pidi bo pordona nos.
Nos kier pidi bo Senjor pa tene misericordia, di nos isla, Senjor nos a hala for di bo caminda,
Pesey awe nos ta acudi na bo trono di gracia, pa ricibi pronto auxilio y ayudo na tempo.
Senjor yuda, kita accidente for di nos caya, kita crimen, y kita maldad.
Aleha tur mal influencia di bruheria, idolatria, santeria for di den pueblo.
Senjor den nomber di Cristo Hesus nos ta kibra tur plan diabolico, contra e isla aki. y nos ta cancela tur pacto satanico, y nos ta yama riba e Sanger Poderoso di Cristo Hesus pa basha tur muraya di maldad abao.
Sinceramente, Pastor Marcel Balootje
