Durante e ultimo fin di siman di Carnaval grandi, Partido di Pueblo Arubano AVP, un biaha mas a mantene su tradicion di mas cu cuatro decada, repartiendo saco di sushi riba ruta di e paradanan grandi na San Nicolas y Oranjestad.
Un team dinamico di candidato nobo, e generacion nobo di partido, acompaña pa Minister Rene Herdé y un grupo grandi di boluntario, a cana henter e ruta pa entrega saco na carnavalista y espectadonan cu tin kavel riba ruta.
Diasabra mainta, pa mas cu 8’or, a yega San Nicolas, caminda boluntarionan a cuminsa parti saco, pasando henter e ruta pa stimula participantenan pa haci uzo di e saconan y contribui na mantene Aruba limpi. E iniciativa tabata ricibi cu hopi aprecio di comunidad.
Mescos a sigui diasabra anochi na Playa, caminda a forma un siguiente team cu a participa activamente riba e ruta, compartiendo den e alegria carnavalesco mientras a promove responsabilidad colectivo.
E accion aki ta alinea cu e pensamento cu, celebracion y responsabilidad por bay man na man.
E iniciativa di reparti saco durante Carnaval ta un recordatorio cu mantene ruta limpi ta un tarea comparti. Den e espiritu di Common Good, e mensahe a keda cla: nos por celebra den grandi, pero cu consenshi y respet pa nos isla.
