Banco Central di Aruba (BCA) a dicidi durante e reunion di MPC di 15 di januari 2026 pa mantene e tasa di reserva obligatorio pa banconan comercial na 12,5% entrante 1 di februari 2026.
Puntonan principal:
- Reservanan adecua apesar di crecemento den credito
Te cu 26 di december 2025, reservanan a surpasa substancialmente e normanan cu BCA ta mantene, apesar di un aumento den credito. Ademas, BCA ta anticipa cu e reservanan di divisa lo keda suficientemente adecua.
- Un inflacion abou
Na november 2025, e inflacion midi na final di luna contra e mesun luna di e aña anterior a permanece na un nivel relativamente abou di -0,2%. Riba un promedio anual e inflacion a alcansa 0,1%.
- Incertidumbre mundial economico
E incertidumbre mundial reinante, incluyendo un crecemento den tensionnan geopolitico, por impacta e reservanan di divisa y inflacion, cu por causa desviacionnan for di e proyeccionnan actual cu ta fungi como e punto di salida (“baseline”).
BCA ta monitor indicadornan monetario y economico di cerca y lo ahusta su posicion di maneho monetario ora ta necesario pa mantene e tasa fiho di e florin na e dollar Mericano.
Pa mas informacion por manda un email na: communications@cbaruba.org
