Na SETAR, continuamente nos ta busca maneranan pa haci e bida mas facil, lihe y mas conveniente pa nos clientenan. Nos ta contento di por tuma un otro stap importante den e journey aki door di expande e servicio di nos Self-Service Kiosk.
Entrante 1 di april 2026, SETAR conhuntamente cu WEB a introduci e opcion pa paga bo recibo di WEB via nos Self-Service Kiosk, banda di e opcion existente pa paga bo recibo di SETAR y recarga bo celular prepago. E feature nobo aki ta brinda clientenan e opcion di paga nan recibo di SETAR y WEB na un solo luga, reenforsando nos compromiso cu innovacion digital y customer service.
E iniciativa aki ta forma parti di SETAR su campaña “Skip the Line, BAN ONLINE”, cu ta encurasha clientenan pa haci uzo di opcionnan di pago mas lihe y eficiente sin tin nodo di para den rij.
Nos ta invita tur persona pa haci uzo di nos Self-Service Kiosk, disponibel na tur Teleshop, Conexion Center y e Kiosk na Airport.
