ORANJESTAD – Durante un reunion publico di Parlamento di Aruba riba 15 di april 2026, a resulta cu partidonan AVP y Futuro a vota contra un mocion relaciona cu e tereno y placa di e caso “Avestrus”. E mocion no a pasa!
E tema a bira punto di discusion fuerte despues cu Corte Supremo a confirma e decision den e caso “Avestrus”, un di e casonan di corupcion mas grandi den historia di Aruba. Segun e motie presenta door fraccion MEP, e gobierno mester duna un bista completo di e daño financiero cu e pais a sufri como resultado di e caso aki .
Den e documento, presenta durante e reunion (pagina 1), MEP ta enfatisa cu ta di gran importancia pa Aruba haya claridad riba e impacto economico y pa e gobierno usa tur medio disponibel pa recupera e daño causa . Tambe ta pidi cu dentro di seis luna un informe detaya wordo presenta na Parlamento tocante e riesgo financiero y posibel medidanan di recuperacion.
E votacion a mustra un division politico cla: mientras MEP kier transparencia, AVP y Futuro a opta pa vota contra e propuesta. Esaki ta politica nobo ?
E discusion ta sigui relevante, paso e resultado por tin implicacionnan grandi pa finansas publico y confiansa di ciudadano den gobernacion di Aruba.
