Diahuebs atardi a celebra un logro significante na Aruba Airport Authority N.V. ora cu e proyecto Gateway 2030 Fase 1B a alcansa su fase di mas halto, marcando e finalisacion di e punto structural di mas halto di e expansion na Aeropuerto Internacional Reina Beatrix.
Mientras cu e ceremonia a destaca e transformacion continuo di e infrastructura di Aeropuerto di Aruba, e momento a fungi tambe como reconocemento na esnan kende nan dedicacion ta sigui forma e futuro di e porta di entrada di e isla.
Pa Aruba, aeropuerto ta representa mucho mas cu un hub di transporte. E ta un fuente di orguyo nacional, e porta di entrada pa nos One Happy Island, alabes e prome y ultimo impresion pa cada bishitante cu ta yega y sali for di Aruba.
Minister di Turismo, Transporte y Labor, mr. Wendrick Cicilia, a pone enfasis riba e importancia di inverti no solamente den infrastructura, pero den e hendenan cu ta tras di esaki.
āProyectonan manera Gateway 2030 ta posibel pa medio di colaboracion, compromiso y trabou duro. Tras di cada structura y cada logro importante tin individuonan cu ta dedica nan experticio y esfuerso na futuro di Arubaā, Minister Cicilia a declara.
Awo tin un energia positivo pa por caba cu e proyecto den e tempo stipula, prome cu aƱa 2030.
Minister Wendrick Cicilia a haya un proyecto cu tabatin retraso y cu hopi reto, pero a percura
pa acelera e progreso di e proyecto. E expansion di Fase 1B ta inclui portanan nobo pa pasahero, areanan di espera expandi y espacionan mehora diseƱa pa mehora eficiencia y comodidad pa e biaheronan.
āMi lo ta para aki riba dia 15 di december pa nos corta e cinta, esey ta un reto di parti di mi como Minister di Turismo pa cada un cu ta presente akiā, tabata expresion di Minister Wendrick Cicilia.
Segun construccion ta continua, Gateway 2030 ta keda un refleho di e compromiso di Aruba pa crea un experiencia di aeropuerto cu ta alinea cu e isla su hospitalidad, normanan di calidad y vision a largo plaso pa crecemento turistico sostenibel.
25 di april 2026
