Fraccion di MEP a manda un carta fuerte pa Presidente di Parlamento, cu copia na Gobernador di Aruba, pa pidi aclaracion tocante e tardansa den convocacion di varios reunionnan publico cu Minister Gerlien Croes, pasobra ta parce cu e ta scohe ki reunion e ta atende, y ki reunion pβe no ta importante.
Dia 17 di april 2026, fraccion di MEP a pidi un reunion cu urgencia riba tema di destahonan publico den enseΓ±ansa. E reunion aki awor a wordo yama pa dialuna 11 di mei 2026. Aunque fraccion di MEP ta aprecia cu e reunion aki a wordo yama, tin preocupacion serio pasobra otro peticionnan cu a wordo pidi prome, cu e mesun minister, cu ainda no a wordo yama.
E peticionnan ta trata di:
β’β β 4 di maart 2026: reunion cu urgencia riba integridad y transparencia, y cu a manda reminder caba dia 15 y dia 23 di april
β’β β 6 di maart 2026: reunion riba vision tocante e Kabinete di Ministro Plenipotenciario y relacionnan den Reino, y cu a manda reminder caba dia 14 di april
β’β β 14 di april 2026: reunion riba e decision pa kita Departamento di Mucha y Hoben, y cu a manda reminder caba dia16 y 22 di april.
Pa e peticionnan di 4 y 6 di maart 2026, e termino legal di 30 dia, segun Reglamento di Orde di Parlamento, a pasa caba. Pa e peticion di 14 di april 2026, e termino ainda no a pasa, pero ya a wordo manda varios reminder sin resultado.
Fraccion di MEP a pidi un splicacion cla y motiva di Presidente di Parlamento: dicon e peticionnan anterior ainda no a wordo agenda, y ki tempo e tres reunionnan aki lo wordo yama.
Ademas, fraccion di MEP a haci un pregunta di principio: cu ki midi e presidente ta midi? A para bira cu un minister por scoge pa cual reunion e kier presenta, mientras cu e Reglamento di Orde no ta laga espacio pa e tipo di escohencianan asina?
Segun fraccion di MEP, e situacion aki ta toca directamente e funcion di control di Parlamento y e principio di transparencia y bon gobernacion. Pa motibo di e importancia constitucional di e asunto, Gobernador di Aruba a wordo informa mediante copia di e carta.
