Dicon e mester ta asina ?
Pasobra ta para scirbi, pa tur hende por lesa y compronde den Salmo 127:3 bisando: Mira yiunan ta un herencia di Senjor, e fruta di barica ta un recompensa.
Hesus a bisa laga e muchanan bini serca Mi, pasobra di nan e reino ta.
Yiu ta un regalo di Dios, e homber ta pone e simia, e muher ta carga e barica , despues di e relacion sexual ningun di dos por haci algo den crecemento di e mucha den e barica, pero Dios mes ta pone tur cos na lugar.
Pesey tur muher cu ta na estado, mester cuida nan curpa fisicamente, mentalmente y spiritualmente, pasobra e ta stima locual cu e ta carga.
Fisicamente no bay haci nada cu bo no por haci, of haci cosnan di mas, cu por causa cu bo por perde e baby.
Mentalmente libra bo di droga , alcohol, y preocupacion innecesario, pleitamento, zundramento, presion halto etc , y otro cosnan cu por afecta e baby durante di bo embaraso.
Spiritualmente, evita tur contacto cu cosnan di bruheria y santeria, y otro bagamunderia diabolico, cu por afecta e baby, laga tur cos den man di Dios, aleha for di tur sorto di cosnan diabolico cu bo no conoce, no bay medita riba nada, si bo kier medita, medita den e palabra di Dios.
Palabra di Dios ta bisa den Proverbionan 19:18: Disiplina bo yiu mientras cu tin speransa ainda, y no desea su morto.
Tene cuenta cu Dios ta disiplina esun cu E ta stima, y mescos nos tambe mester haci cu nos yuinan, lanta nan corecto cu displina, cu un karakter formal, cu humildad, sabiendo cu tur esey lo produci un mucha integro awe y un homber of muher integro mayan cu Dios kier.
No malcria bo yiu, pasobra loke ta un problema pa abo so awe, mayan ta bira un problema pa sociedad, pasobra abo como mayor no a haci uso di e autoridad cu Dios a duna bo pa displina bo yiu den amor.
Disiplina no ta nifica bati un mucha, un mucha cu ta comporta su mes malo, por hanja sota di su mayor, pero e sota no mester bira maltrato, y no laga e mucha custumbra cu e mester hanja sota pa e obedece pero papia cune palabra di sabiduria y encurashamento, mustre e amor ora e haci cosnan bon, pa e mes sinti cu e ta haciendo bon, y no keda constantemente corda e mucha riba su parti negativo y pone pensa cu e no por haci nada bon.
Pa falta di amor di mayor, hopi hoben no ta duna nan bida e balor cu nan bida merece, nan ta manera hende cu no tin gana di biba, nan ta destrui nan bida.
Hopi hoben no sa cu nan curpa ta tempel di Dios y cu e spirito di Dios ta biba den dje.Y cu e no ta di su mes, pero e a wordo cumpra cu un preis , y cu e mester glorifica Senjor den su curpa.( 1 Corintionan 6;19-20).
Ora bo huur un auto, bo mester hibe bek Carrental bek sin ningun scratch,
Awor wak cuanto hoben ta maltrata nan curpa den inmoralidad, y tambe cu renchi den nanishi, renchi na lenga, renchi na lombrishi, cantidad di renchi na orea, buraco na orea cu no por sera mas.
Awor si bo conoce y ta stima Dios, no mal usa bo curpa, pense y arepenti, y kita nan for di bo curpa.
No bay cu moda, biba pa Cristo.pasobra bo ta pertenece na Cristo.
Sinceramente, Pastor Marcel Balootje
