“Dera gai ” di nos, un fiesta, tradicion cultural of adapta
Copia di otro pais cu hopi decadanan atras a integra ?
Awendia tur cos ta di tur nacion, importacion na monton cu propaganda
Pa inspira tur curason
Tur parti di mundo tin hopi hende di hopi parti cu ta emigra imigra y purba nan felicidad y bienestar financiero den un otro pais of un otro isla mas desaroya y bon para
Y tur tin un bos pa expresa, grita of bisa nan malcontento
y nan satisfaccion di tratonan ricibi y trabaunan obteni , nan tambe por scoge y dicidi pa ta contento
Tur pais ta manera un “Nacionnan Uni ” chikito
Cultura na banda of ariba otro cultura inspira
Ta laga nan cas, tera y custumber y kier hunga nan number cu suerte den hasi locual nan tawata spera di hasi cu dificultad di adapta na nan cas nobo
Fe y religion ta hunga un rol y ta purba di convence otro pa uni cu nan pacificamente
Lubida tin biaha di respeta prohimo ruman cu ya ta ankra den nan mesun fe cresiente
Y no kier cambia
Respeta otro su religion
Respeta otro su mision
Respeta otro su decision
Respeta otro den tur cos
Y duna danki na bo Dios
No forsa bo mes ariba otro
Pa no crea situacionnan di bochincha of boroto
Biba y laga biba
Stima pa wordo stima
Duna danki y ricibi
Sefta pa bo mes kico tin aki scirbi
Stop di ganya bo mes y otro cu na Aruba no tin nada robes
Tin cu por ganya, camufla y sconde bon tras di nan trampanan fini un dos tres
Nan consenshi no conose nada mihor
Pa nan ta normal
Awor cu Copa mundial di futbol cu bon ambiente
Hopi emocion na mente
Ta tur pais participante kier pa nan team gana
Cu score di goolnan impactante.
Tin cu realisa cu tur ta ganador cu mas experiencia
Cu den tur deporte tin tambe perdedor
Fanaticonan no perde cabes
Felicita otro cu amor
Cu positivismo y excelencia.
Fiesta y celebracion di “Dera Gai ” tambe lo pasa
Y bolbe otro anja
E bala di futbol lo sigi lora tur dia despues di un skop
Cu un pusha den lomba cu bon of mal manja
Y sigi trese dushi alegria!
Hungadornan profesional y amateur lo sigi train
Cu pago of cu publico amante di e deporte rey futbol
Y aki 4 anya atrobe e mihor di e mihornan lo enfrenta otro wak ken lo hinca mas gool
Y hopi gool y emocion den gritonan di alegria lo sigi yobe
Ban wak cua team di cua pais lo ta victorioso den e anya aki 2026
Mientrastanto nos tur lo sigi gosa un crenchi mas den suspension, excitacion y dushi beis!
Mientrastanto hopi otro cos ta wordo lubida y dera cu nos cultura di e fiesta di Dera Gai
Dolornan den pueblo cu ta bin bay of un premio diki gordo di lotto pa deporte cu a cay y hasi un hende felis !
Mientrastanto nos bandera di Aruba den biento fresco lo sigi bayla bula y zwaai.
Ruthy Lady Ruth
Juni 2026
