Pueblo di Aruba a responde masalmente riba e yamada pa participa na Dia pa Cuida Aruba. Ya prome cu 8:30 di mainta, varios baki grandi di sushi instala den bario y na otro puntonan di coleccion tabata completamente yen. Na Watertoren San Nicolas, prome minister di Aruba, Mike Eman, a duna un actualisacion tocante progreso di e accion nacional di limpiesa. āPa nos a keda sinceramente impresiona cu e reaccion di comunidad. E bakinan ta yenando mas lihe cu e capacidad cu nos tin,ā prome minister Eman a declara.
El a indica cu tabata drenta reportenan similar for di Noord, Playa, Dakota, Santa Cruz, Pos Chikimto, Savaneta y San Nicolas. Na tur e luganan aki, e bakinan tabata yenando hopi mas lihe cu inicialmente a spera. āEsaki ta algo hopi bon, pero tambe e ta un reto. Nos tin e trucknan riba caminda pa piki e bakinan, haci nan bashi y pone nan bek,ā Eman a splica.
E acogida grandi ta musrtra cu pueblo a responde en grande na e iniciativa. Sinembargo, e rapides di cual e bakinan ta yena ta crea un reto logistico. E tucknan ta pasa continuamente pa piki e container yen, transporta nan pa e zona di desperdicio y pone nan bek pa comunidad por sigui haci uso di nan. Debi na e acogida masal, por tin momento cu un punto di coleccion no tin baki disponibel. Ta trata di un situacion temporario, mientras e trucknan ta transporta e bakinan yen pa haci nan bashi. āE importante ta pa nos ciudadanonan wak cua ruta ta mas facil pa nan hiba e sushi cu nan a colecta. Esnan cu tin un tiki pura por bay directamente na e centronan di desperdicio, cu ta keda habri continuamente,ā prome minister Eman a bisa.
Gobierno ta pidi tur persona cu no por warda, of cu encontra un baki completamente yen, pa dirigi directamente pa un di e siguiente puntonan grandi di coleccion:
Pariba di Brug: Watertoren San Nicolas
Centro: Zona di Desperdicio di EcoTech na Barcadera
Pabou di Brug: Waf di Playa, den Harbour Area
Na Harbour Area tin mas cu dies baki disponibel. Por drenta cu auto banda di e ex-Bushiri Hotel, den cercania di Palm Tours y AMC Unicon riba L.G. Smith Blvd., pa deposita e sushi completamente gratis. For di Watertoren na San Nicolas, caminda e bakinan tambe a yena completamente den poco tempo, prome minister Eman a expresa su aprecio pa e reaccion di pueblo. āHopi danki pa e empeƱo. Mi ta mira un berdadero empeƱo nacional. E cantidad di truck y hende cu nos ta mira na cada sitio ta impresionante. Esaki ta nifica cu pueblo a responde en grande riba loke nos a bin ta ofrece,ā el a remarca.
Eman a pidi comunidad pa tene cuenta cu, na algun caminda, e bakinan lo mester wordo kita temporalmente pa haci nan bashi. āSi bo mira cu un container ta completamente yen, of cu e baki no ta eynan pasobra nan a bay hacie bashi, y bo tin pura, acudi na un di e zonanan grandi di desperdicio,ā el a conseha. Participantenan ta wordo pidi pa sigui e informacion den prensa y riba e canalnan oficial. Asina nan por haya e actualisacionnan mas reciente tocante disponibilidad di baki y sa cua punto of ruta ta mas facil pa entrega nan sushi. āNos ta spera riba e trucknan cu e bakinan nobo pa nos por sigui cu e trabou. E centronan di desperdicio tambe ta habri. Monitor e informacion den prensa pa bo por haya e opcion mas facil y mas rapido,ā prome minister Eman a conclui.
Pa mas informacion, bishita www.arubatanostur.com.
