E Consulado General di Merca na Corsou, den coordinacion cu e Ministerio di Educacion di Corsou y e Centro pa Innovacion y Guia Educativo (SIGE), ta duna material di scol esencial na famianan rond di e isla prome cu e aña escolar nobo cu ta bay cuminsa. Administra pa funcionarionan di e Ministerio di Educacion y SIGE, asina como Oficial di Enlace Militar Capitan Cortland Perkins, e iniciativa di 25 mil dollar ta financia pa medio di un donacion di Comando Sur di Merca.
Consul General Ramon (Chico) Negron, Minister di Educacion Sithree van Heydoorn, y Director di SIGE Solange Olaria a lansa e esfuerso riba 3 di augustus. E iniciativa lo entrega mas cu 700 saco di material di back to school na studiante y famianan den necesidad. Boluntarionan di e consulado y militarnan Mericano lo traha den ekipo coordina hunto cu funcionarionan di SIGE, kendenan lo sigui e progreso di distribucion diario pa sigura un proceso eficiente y igual.
E ekiponan di boluntario lo entrega e materialnan na 35 scol y institucion educativo y na aproximadamente 70 famia individual rond di e isla, sigurando cu e materialnan ta yega na e studiantenan prome cu e klasnan cuminsa.
“E iniciativa aki ta refleja e compromiso continuo di e consulado pa fortalece e lazonan entre pueblo y sostené oportunidad educativo pa hubentud na Corsou. Ademas, e ta reforza e asociacion fuerte entre Estadonan Uni, Gobierno di Corsou y comunidadnan local,” segun Consul General Negron.
E Consulado General di Mericano na Corsou ta gradici e Ministerio di Educacion, SIGE, Comando Sur di Merca, y tur institucion participante pa nan colaboracion pa haci e iniciativa aki posibel. Pa mas informacion, por fabor tuma contacto cu e Seccion di Asunto Publico di e Consulado General di Merca na Corsou.
