Dialuna atardi den careda di 5’or y mey a sosode un boksmento na altura di Club Caiquetio.
Tawata trata di un Nissan Kicks y un Kia Sportage.
Falta di preferencia tawata e motibo, momento cu e Nissan no a duna preferencia na e Kia cu tawata tin un baby aden cu su mayornan.
Un dama den e Nissan tawata tin mester di asistencia medico. Ambulance a presenta y hunto un Paramedico e la cana bay direccion di e auto unda e tawata wordo trata.
Polis di trafico a yega y a tuma datos di ambos vehiculo.
E baby tawata mustra bon, pero asina mes por a mira e mama bay cu direccion di e ambulance hunto cu e Paramedico.
