Conoce nos historia ta conoce nos mes. E historia di Aruba ta un tesoro forma pa generacionnan di hende cu, cu nan esfuerso, sacrificio y perseverancia, a contribui na desaroyo di nos isla. Preserva e historianan aki ta un responsabilidad comparti, pasobra nan ta forma parti di nos identidad y ta yuda nos compronde miho unda nos ta bin y con nos por construi nos futuro.
Pa e motibo ey, como Parlamentario, nos kier felicita y expresa nos sincero aprecio na seรฑor Edgar โEddyโ Ras pa publicacion di su buki โ๐ช๐ถ๐น๐น๐ฒ๐บ ๐ฅ๐ฎ๐๐บ๐ถ๐ท๐ป.โ Durante e presentacion na Biblioteca Nacional, nos tabata presente pa mustra nos aprecio pa e bunita trabou cu el a haci.
E buki ta conta e historia di e hoben Willem Rasmijn, kende a haya oro na Aruba, y di e gran keintura di oro cu e hallazgo aki a trece cune. Cu su investigacion y dedicacion, sr. Eddy Ras a duna Willem Rasmijn bida nobo y a rescata un parti importante di nos pasado.
Un obra manera esaki ta exigi tempo, pasenshi y dedicacion pa busca, analisa y transforma documentonan historico den un relato accesibel. E autor ta duna bida na informacion cu por keda cera den archivo y ta haci cu e ta bira parti di nos memoria colectivo.
Nos ta gradici sr. Eddy Ras y su rumannan pa nan esfuerso, y nos ta spera cu โ๐ช๐ถ๐น๐น๐ฒ๐บ ๐ฅ๐ฎ๐๐บ๐ถ๐ท๐ปโ lo inspira mas hende pa investiga y documenta e historianan di nan famia, bario y comunidad. Aruba tin ainda hopi historia cu merece wordo conta, y cada publicacion ta yuda evita cu nos memoria bay perdi pa semper.
๐ ๐ฎ๐๐ต๐ฎ ๐ฝ๐ฎ๐ฏ๐ถ๐ฒ๐ป ๐ ๐ฑ๐ฎ๐ป๐ธ๐ถ, ๐๐ฟ. ๐๐ฑ๐ฑ๐ ๐ฅ๐ฎ๐, ๐ฝ๐ฎ ๐ฑ๐๐ป๐ฎ ๐ฒ ๐ต๐ถ๐๐๐ผ๐ฟ๐ถ๐ฎ ๐ฑ๐ถ ๐ช๐ถ๐น๐น๐ฒ๐บ ๐ฅ๐ฎ๐๐บ๐ถ๐ท๐ป ๐๐ป ๐ฏ๐ถ๐ฑ๐ฎ ๐ป๐ผ๐ฏ๐ผ ๐ ๐ฝ๐ฎ ๐ต๐ฎ๐ฐ๐ถโ๐ฒ ๐ฎ๐ฐ๐ฐ๐ฒ๐๐ถ๐ฏ๐ฒ๐น ๐ฝ๐ฎ ๐ต๐ฒ๐ป๐๐ฒ๐ฟ ๐ป๐ผ๐ ๐ฐ๐ผ๐บ๐๐ป๐ถ๐ฑ๐ฎ๐ฑ.
