Quota International of Aruba a finalisa cu exito su “Siman di Conscientisacion di Cuido di Oido”, un iniciativa special cu a tuma luga for di 21 pa 25 di september 2026. E siman tabata tin como meta pa trece conscientisacion den comunidad tocante e importancia di cuido di oido y salud auditivo pa tur edad, for di mucha te na e adulto mayor.
Den cooperacion cu Quota su partners – FEPOH, SVb Aruba, The Specialists y Aruba Hearing Institute & Audiology Center – a ofrece comunidad e oportunidad pa hasi testnan di oido. Comunidad a haĂąa tambe e oportunidad pa siĂąa mas tocante prevencion di problema di oido, importancia di check-up regular, y e diferente maneranan pa proteha salud auditivo den bida diario.
E iniciativa aki a coincidi cu International Week of Deaf People (21 pa 27 di september), un evento internacional organisa pa World Federation of the Deaf pa trece mas conscientisacion tocante derecho, cultura y comunidad di hende cu problema di oido rond mundo. E tema di e aĂąa aki ta “Declaring Deaf People’s Human Rights”.
Quota ta remarca cu un bon cuido di oido ta pertenece na tur edad – di mucha chikito te na e adulto mayor – y ta enfatisa e importancia di detecta problema di oido na tempo pa evita consecuencia mas grave mas laat den bida. Pa medio di e siman aki, Quota a logra duna un aporte concreto na conscientisacion tocante salud auditivo.
Quota ta gradici tur e organisacionnan pa nan participacion y colaboracion durante e siman, y ta spera pa sigui traha hunto pa comunidad pa asina trece mas conscientisacion tocante e tema importante aki.
Pa mas informacion, por tuma contacto cu Quota International of Aruba
