Pablo ta splica den Efesionan 6;12 bisando: Pasobra nos lucha no ta contra carni y sanger,sino contra e gobernantenan, contra e podernan, contra e forsanan mundial di e scuridad aki. Contra e forsanan spiritual di maldad den lugarnan celestial.
Hesus ta bisa bon cla den Juan 10:10 cu e ladron ta bin solamente, pa horta, pa mata y pa destrui.
Pablo ta bolbe recorda nos den 2 Timoteo 3:1-5 cu den e ultimo dianan lo bini temponan trabahoso, cual ta e tempo cu nos ta bibando aden cual tur hende ta mirando kico ta sosode.
Y e enemigo ta husando hende contra hende.
Yuinan den rebeldia.
Esposanan cu kier tuma e mandato di cabes di cas y no ta somete na nan esposo.
Hende cu ta stima placa mas cu Dios.
Amor pa placa ta bira mas grandi cu e amor pa nan sernan keri.
Pero nada por stroba e boluntad di Dios wordo cumpli y ningun hende por stroba e obra di Dios.
Hende mester ta contento y sinti nan mes previlegia ora nan hanja un chens di traha pa Senjor, y sea obediente.
Ora Elias a bisa Dios cu ta e so a keda, Dios a conteste cu te ainda E tin mas di siete mil hende cu no a dobla nan rudia pa Baal.
Riba e mundo aki ta Dios so ta indespensabel, Dios ta stima tur hende, pero ta hende mester di Dios, pasobra Dios no por wordo reemplasa.
Satanas a kere cu ora e trece problema den cielo e lo perhudica Dios, e a wordo saca afo, y cielo a sigi funciona mas mihor sin dje.
Hende mester realisa cu nada, pero nada, por stroba e trabao di Dios, pasobra ora un persona no kier, Dios lo busca otro persona cu si kier, ora Saul no a obedece Dios, Dios a lanta David cu si a obedece Dios.
Asina ta, no ta depende di e hende cu kier, ni di e hende cu ta core, sino di Dios Kende tin misericordia.(Romanonan 9:1).
Nos tur como hende mester percura di haci e boluntad di Dios, y no bay contra otro, pensando cu ta hende bo ta perhudica, pero en realidad bo ta den rebeldia contra Dios, pasobra bo ta bayendo contra e boluntad di Dios.
Asina un hoben ta comporta rebelde contra su mayor pasobra e mayor a coregi e hoben, e no sa cu e ta den rebeldia contra Dios, kende ta bisa tur hoben pa honra nan mama y nan tata.
E posicion di un homber den cas no ta negociabel, pasobra asina cu un homber ta manipula cu su posicion cu Dios a dune of ta complace cu cosnan cu no ta boluntad di Dios, pa famia keda contento e homber ey ta den rebeldia contra Dios y su cas ta bay for di ordo.
Tin hopi plan den curason di hende,ma e conseho di Senjor esey lo permanece. ( Proverbionan 19:21).
E mente di hende ta planea su caminda, ma Senjor ta dirigi su pasonan (Proverbionan 16:9).
E rumannan di Hose a kere cu nan a bende Hose y tur cos a caba, pero alcontrario nan a dune un push pa yega na e proposito di Dios den su bida.
E rechaso di e rumannan di David na su persona a dune mas fe den Dios pa e por a derota Goliat.
Dios ta Todopoderoso, pesey ningun hende por cambia, boluntad of proposito di Dios.
Job 42:2 ta bisa: Mi sa cu Bo por haci tur cos, y cu ningun di bo propositonan no por wordo stroba.
Sinceramente, Pastor Marcel Balootje.
