Señor ta alimenta nos fe y speransa y ta bisa nos cu mester aparece dilanti e ehercito celestial pa ser husga. Esun cu testigua na su fabor y uni na su mision ”Yiu di hende tambe lo declara cu E ta na su banda …” Publicamente Hesus ta haci e confesion aki y ta pa semper. E confesion aki ta necesario y urgente den nos tempo,den cua tin hende cu no kier scucha bos di Dios ni sigui den Su caminda. E confesion di nos fe ta duna nos e recompensa cu tin pa fielnan. Nos testimonio ta necesario y urgente pa e bida di mundo, y Dios mes ta pidi nos. No solamente e fe interior, E ta pidi pa testigua pa otro y publicamente y pa nos tin e confiansa y e amor mas grandi. Nos confesion ta sosteni pa e forsa di su Spirito y ta defende nos. Reconoce Hesus dilanti su angelnan ta laga nos mir’E cara a cara y biba cu nE den su luz. Nos kier testigua na su fabor pa nos no sufri y bay perdi. Laga nos ta fuerte.
Oracion:Oh Señor, siña nos pa ta fuerte y keda semper cu nos. No laga nos sufri y bay perdi. Yena nos cu bo Spirito Santo pa nos por testigua na bo fabor. Amen.
