Ela toca mi curason
Den su palabranan poetico fuerte buscando su mes den tur y mas rond di dje
Palabranan cu no ta mescos cu di mi,den mi poemanan estilo e Poeta Escritor hulandes Toon Hermans ta resalta
Mi poemanan cu ta rimanan simpel y facil specialmente pa nos grandinan nan mente refresca y fragil
Di dje ta palabranan baylando riba diferente melodianan varia aki aya
Subi baha ariba su mesun ritmo fantasia y profundo sintimento y emocion describi pa kishiki bo sinti y spierta bo sanger den bo curpa
Mi poemanan ta pa calma y stima, brasa’bo den un silencio cu ta caricia y elogia
Su poemanan ta pone’bo sigi sondea y rondja den e skinanan di e sintimentonan tin biaha scondi, drumi of dorna den palabranan sofistica
Cu ta spierta bula lanta penetra y ilumina
E Poeta Escritor famoso Frank Martinus Arion
Un honor y plaser conose’bo !
Un talento fuerte di protesta y emocion na tur horizonte den dia cla
Lady Ruth un talento suave di amor y vitamina pa e mente, alma y curason.
E bunita ta cu :
Den poesia no tin competencia.
Den poesia cada Poeta cu su curason.
Cada Poeta ta un bendicion den su mesun talento y inspiracion.
Cada un ta unico y diferente ora e alma bira un crenchi exigente pa spat rond su gotanan di sabiduria y amor.
Dunando danki na nos bon Creador.
Ruthy Lady Ruth Vrieswijk- Bergen
Oktober 2026
