Dialuna anochi pasa di 10’or polis a bay altura di rotonde Belgiëstraat, pa un accidente entre auto cu brommer.
Polis ta yega y ta topa cu un MG suv y un brommer cu ta parse di coriente poco mas dilanti. Ariba acera un dama sinta.
Na e sitio nos a compronde cu segun e chauffeur subiendo e rotonde e la haya confronta cu e brommer. E dama tawata emocional y tawata yora, posiblemente door di e susto.
Polis a puntre si e ta desea ambulance e la bisa cu no. Pues si no mester ambulance departmento di trafico no lo presenta na e sitio.
Agentenan y personal di seguro mes a trata tur cos na e sitio.
