Diamars anochi a tuma lugar e wega di baseball All Star Game caminda e mihor hungadornan di Liga Americana a topa cu e mihor hungadornan di Liga Nacional, cual wega a wordo hunga na Coors Field Stadium di Colorado Rockies.
For di oranan di trempan hungadornan cu a wordo selecta a cuminsa yega pa e โcarpet showโ caminda nan ta wordo acompaรฑa pa miembronan di famia.
Stadion tabata practicamente yen ora cu hungadornan a wordo presenta, esaki ta prome All Star Game despues cu pandemia di covid-19 a afecta mayoria parti di mundo, especialmente deporte.
Liga Americana a presenta cu Shohei Othani como nan pitcher habridor mientras cu Liga Nacional a presenta cu Max Scherzer como nan pitcher habridor.
Liga Americana tin un racha di victoria di 7 wega sigui y kier a continua cu esaki mientras cu Liga Nacional kier a para e racha aki.
Na final di wega, Liga Americana ta continua cu su racha di victoria ganando e wega aki cu score di 5-2.
Liga Americana a score 5 careda, a bati 9 hit y a comete 1 error, pitcher ganador a resulta Shohei Othani, mihor bateadornan pa Liga Americana a resulta, nos astro arubiano Xander Bogaerts cu a bati 2 hit den 3 turno, mas 1 careda empuha, Marcus Semien cu a bay di 2-1 y Mike Zunino cu tambe a bay di 2-1.
Liga Nacional a score 2 careda, a bati 8 hit y a comete 1 error, pitcher perdedor a resulta Corbin Burnes, mihor bateadornan pa Liga Nacional a resulta Manny Machado y Eduardo Escobar cu a bay di 1-1.
Hungador mas valioso di e wega aki a resulta Vladimir Guerrero Jr. cu a conecta 1 homerun den e wega aki.
Aruba sigur a haya bon cobertura di parti Xander Bogaerts cu prome cu wega a wordo entrevista pa cadena FOX cu tabata tin e wega aki di exclusividad y tambe durante wega tabata tin un microfoon bisti y tabata papia cu narador y comentarista di e wega, algo sigur impagabel pa Aruba.
