DEPORTES – Ekipo di New York Yankees ta riba un racha di victoria, nan tabata tin 9 wega gana sigui mescos cu Los Angeles Dodgers cu tambe a gana 9 wega sigui y tambe ta den lucha pa clasificacion pa playoff di baseball di grandes ligas, Los Angeles Dodgers sinembargo su racha di victoria a ser corta na 9 wega sigui despues cu nan a perde contra di New York Mets cu score di 7-2, mientras cu dialuna anochi New York Yankees a enfrenta e fuerte ekipo di Atlanta Braves, cu ta lider di division east di Liga Nacional.
Den e wega aki ekipo di Atlanta Braves a presenta cu Huascar Ynoa como nan pitcher habridor mientras cu New York Yankees a presenta cu Jordan Montgomery como nan pitcher habridor.
Un wega cu a inicia caminda den prome inning ambos pitcher a domina y no a permiti careda, den cabez di dos inning, Giancarlo Santon ta percura pa e prome careda cu un homerun, pero den bom di dos inning Atlanta Braves ta empata e wega pa medio di homerun conecta pa Dansby Swanson.
E wega a keda empata te cu cabez di seis inning caminda cu un biaha mas Giancarlo Stanton cu 2 coredor na base ta conecta un doblete pa asina haci e wega 3-1.
Den cabez di ocho inning, New York Yankees ta sigura e victoria cu hit di Gary Sanchez pa haci e wega 5-1.
New York Yankees ta score 5 careda, a bati 6 hit y a comete 1 error, pitcher ganador a resulta Jordan Montgomery, mihor bateador pa New York Yankees a resulta Giancarlo Stanton cu a bati 2 hit den 3 turno incluyendo un homerun.
Atlanta Braves a score 1 careda, a bati 5 hit y no a comete error, pitcher perdedor tabata Huascar Ynoa, mihor bateadornan pa Atlanta Braves a resulta Jorge Soler y Adam Duvall cu ambos a bati 1 hit den 3 turno.
Yankees at Orioles 7/10/18 
