Diaranson den oranan mainta asistencia di Ambulance a ser pidi cerca di e rotonde di Ponton, unda cu un hobencito a accidenta cu su bicicleta.
Na e sitio un motociclista atento a mira locual a sosode y mesora a actua. Polis y ambulance a wordo notifica.
E motociclista cu ta esun cu mesora a actua a splica kiko e la mira.
Na prome instante a pensa cu auto lo a dal e hobencito, cu tawata caminda skol. Locual nos a compronde ta cu e cadena di e bicicleta lo a sali, causando cu e bicicleta a saca e hobencito.
E hobencito lo a bay halto y cay ariba su banda, causando cu e la haya golpi y varios rasca. Na e sitio e motociclista a papia cu ne pa mira si tur cos ta ok y a avisa ambulance.
Por a mira cu e mucha a cay masha duro mes, y caida cu bicicleta ta basta dolor pa esnan cu a yega di cay cu esaki.
Den oranan di merdia e bon samaritano a yama y contact e famia y e mama a laga sa cu e mucha homber ta bon di salud. E bicicleta a ser laga na un cas cerca di e accidente unda cu despues famia lo pasa buske
