Un feliz comienso di weekend bendiciona y luna nobo, luna di october, luna di flor, luna di gracia yen di splendor.
“… N’ta subi bo kier a subi te yega shelo? Ta te den fierno lo bo
cay awor!” (Lucas.10, 15 )
E Evangelio di awe ta manera un spiertamento pa nos cambia nos forma
di biba y actua. Bira lomba pa maldad y purba busca Palabra di Dios cu
ta yuda nos bay shelo. Nos grandinan tabata bisa: “Mi ta taha bo!” Of
“M’a spierta bo!” Hesus ta manda Su discipelnan den pueblo pa yuda nos
y siña nos biba bon. Bira lomba pa maldad. Tur dia di nos bida nos
mester purba di biba segun Palabra di Dios. Den e dianan aki ta haci
asina calor cu mi a tende un hende bisa: “si aki na mundo ta haci
asina calor, insoportable, Dios sa cuanto calor mas lo haci den
fierno”. Niun hende kier bay fierno. Señor Hesus ta anima nos pa no
‘give up’ y sigui den Su pasonan. Hunto nos lo Sali vencedor di tur
maldad y calor.
Oracion: Señor, Yuda mi den e lucha grandi aki, contra maldad. Duna mi
animo tur dia di sigui den Bo pasonan. Forsa pa mi anima otro hende,
pa nan tambe bira lomba pa maldad y sigui Bo, cu Bo Enseñansa y
Palabranan. Amen.
