Den e lectura di awe pa medio di Su apostelnan, Señor ta cuminsa na mustra cu Gloria di Su Yiu Poderoso a yega na nos pa medio di Spirito di Santidad. P’esey El a lanta for di morto. Pa medio di nan fe nan ta pertenece na Hesucristo y na Su Pueblo Santo. E multitud di hende di e tempo aki tambe ta busca un señal cerca Hesus. Ta mescos cu e hendenan a haya e señal di Yonas cu a keda tres dia den bariga di tera asina e hendenan di awendia a haya e señal di Hesus cu a keda tres dia den graf. Awor e hendenan a haya e señal di Hesus pa nan converti y kere den esun cu Tata a manda pa nan no wordo condena pero haya Bida Eterna. Door cu nos a mira e milager di Resureccion di Hesus laga henter mundo canta y hubila pa nos Rey cu ta un Guerero Victorioso cu a revela Su salbacion y husticia na tur pueblo. Tur Honor y Gloria ta na nos Dios Tata Todopoderoso.
Oracion: SEÑOR, Duna nos e gracia di converti y comprende e mensahe cu Hesus a bin trece pa puro amor di Tata y asina nos por hiba e hendenan na obedencia den fe y yega na salbacion di almanan. Amen
