Un feliz dia yena cu bendicion y cu Dios Su misericordia ta riba boso.
E ora ey Hudas y su ruman hombernan a bisa: ‘Nos a derota nos enemigonan, laga nos ban awor pa purifica tempel y bolbe consagr’e.’ E ehercito completo a bini hunto y a forma un prosecion pa subi sero di Sion. 1 Mac. 4,36-37
Manera nos por a lesa cu nos antepasadonan tawata purifica e tempel cu ta e cas di Dios. Den e evangelio di awe Hesus ta trata di purifica e tempel. Nos mester pone Dios na prome luga den nos bida mescos cu Hesus a haci esaki. Nos mester purifica nos tempel, esta nos curason y nos mente. Manera San Pablo a bisa “Nos cada un ta un tempel di Spirito Santo” Nos mester conserva nos alma bunita y limpi pa asina Dios por obra. Hesus ta mustra nos cu Dios ta amor, servicio, humildad y misericordia. Siguiendo e pasonan di Hesus nos ta mas cerca di Dios y nos lo tin un alma purifica.
Oracion: Hesus danki pa mustra nos con pa yega mas cerca di Dios. Yuda nos purfica nos curason y nos mente pa asina Dios por obra den nos. Yuda nos tambe di ta mas amoroso, servicial, humilde y misericordioso cu nos prohimo. Amen
