Entrante dialuna 7 di maart 2022 lo cuminsa cu e construccion di e Rotonde na Palm Beach. Alaves lo cuminsa cu e trabaonan pa coregi y renoba varios caminda den e area y tambe trabao nan cu ta relaciona cu utilidad. E proyecto aki lo wordo ehecuta den dos fase y lo tin un duracion di 130 dia di trabao y lo costa 1.8 miyon florin. E prome fase lo cuminsa dia 7 di maart y lo termina den mita di juli y di dos fase lo cuminsa den mita di july y lo termina fin di luna di september.
Pa Fase 1 lo cera e banda west di e crusada di Palm Beach pa construccion y lo tin un duracion di aproximadamente 20 siman. Cambionan di ruta lo wordo indica cu borchi y baricada di trafico.
Trafico di Noord por bira na man drechi na e crusada di Palm Beach Plaza direccion High
Rise Hotels y sali na ex-House of Cheng y pa bay direccion Palm Beach, por bira na man
robes na e crusada Palm Beach.
Trafico di Noord ariba Avenida Nelson O. Oduber tambe por bira na 200 meter despues di e crusada di Palm Beach Plaza na man robez subi e caminda di santo. Mester sigui indicacion di borchi nan y flecha di trafico, sali patras di Wendy’s Noord direccion caminda principal di Palm Beach y sigui pa Oranjestad.
Trafico di Palm Beach por bira na man drechi direccion Noord.
Trafico di Oranjestad por bira na man drech direccion Palm Beach.
Trafico di Oranjestad (Avenida Nelson O. Oduber) por sigui stret direccion Noord.
DOW y KPA ta pidi pueblo di Aruba, tur automobilista y habitantenan pa tene bon cuenta cu e desviacion nan y e inconveniencia cu lo por causa y ta gradici pa e comprension y cooperacion.
