Un fiesta hopi divertido a wordo organisa na La Cabana Beach Resort & Casino den honor di Dia di Tata. E resort su tatanan bon trahado a wordo invita pa atende un evento social crea pa e comision social, den e camber di conferencia totalmente decora riba un diabierna atardi memorabel.
Tur tata a haya nan bon bini cu live music pa Noush Noush; nan a wordo invita pa tuma asiento na mesa di domino, cual tabata buta rond di e camber, pa un wega of dos combina cu cuminda y bebida delicioso prepara y sirbi pa e fabuloso F&B team.
E atardi a sigui na rifamento di regalo y premio, cu tremendo productonan y servicionan.
E comision social y departamento di Recurso Humano a organisa e evento special aki cu hopi dedicacion y entusiasmo.
Johhny Kock, a sirbi como e tremendo y energetico maestro di ceremonia.
Tata di Aña a bay pa Damien Croes di Executive Offices cu un honor special, pasobra e ta un ehempel grandi cu hopi ta admira.
La Cabana Beach Resort & Casino recientemente a kick-off nan 100 Days Of CelebrateU!, un serie di actividadnan y festividadnan diseña pa expresa aprecio na su empleadonan.
E programa ta bay tin su duracion di mas cu 100 dia, y ta reconoce henter e comunidad di e resort.
100 Days of CelebrateU! ta crea pa reconoce empleadonan di e resort. E ta demostra un gratitud inmenso pa nan dedicacion y diligencia, durante 100 dia di zomer 2022!
100+ Days of CelebrateU! a cuminsa cu un celebracion pa Dia di Tata y lo caba den luna di September.
