Cu ta brinda espacio necesario pa cada scol
ORANJESTAD: Diaranson mainta Minister Endy Croes a indica; cu nos ta trahando riba e diferente proyecto unda cu nos ta scucha di e veld, nos ta reuni cu e cabesantenan, nos ta splica nos idea y nos ta splica pakico tambe e ta e miho idea. Dia 1 di juli nos a cuminsa ehecuta e cambio di scol. Caminda cu Reina Beatrix School cu tin alredeor di 315 alumno cu tabata situa na Seroe Blanco den un edificio cu tabatin 8 lokaal y 4 modulaire den YMCA na Dakota. Un scol grandi cu a wordo cera desde aña 2014. E edificio original di Rena Beatrix ta un momumento y e la bira mas costoso pa por inverti y drecha bek. A bin cu e solucion pa unda Paso pa Futuro tabata e scol ta un scol grandi tin 15 lokaal. A yega na un acuerdo cu e cabesante y docentenan. Minister Endy Croes a sigui bisa cu e ta hopi di por anuncia cu awe ta e prome dia di scol di Reina Beatrix School den su edificio nobo. Durante vacacion escolar a verf e klasnan, gangnan y dentro di poco lo bin un cura nobo tambe. E mandatario a sigui bisa cu e docente y cabesantenan ta hopi contento cu esaki.
Minister Endy Croes ta gradici e cabesantenan pa nan cooperacion den e proceso. Paso pa Futuro awo a bay den e edificio unda antes Reina Beatrix tabata na Seroe Blanco. Paso pa Futuro tin 115 alumno. Pabien na ambos scol special e cabesantenan. E mandatario a sigui bisa di tin hopi aprecio pe e trabounan cu a wordo haci hunto henter e ekipo. Reina Beatrix School a cuminsa oficialmente awe y dialuna awo Paso pa Futuro lo inaugura aña escolar 2022 – 2023
