ROTTERDAM: Polis na Hulanda a informa cu victima di un caso di hinkamento, cu a tuma lugar diaranson dia 29 di Maart na Rotterdam, ta yu’i Curacao Richairo Mariën (22) cu ta biba den e cuidad di Helmond.
Polis a aresta un homber como sospechoso di 19 aña, cu ta biba na Spijkenisse. E dos hombernan aki conoce otro. Segun polis nan tabatin un argumento. Mariën a pidi e sospechoso pa duna algun cos bek cu el’a fia e homber.
E hinkamento a tuma lugar na Korte Lijnbaan den centro di Rotterdam cerca di un restaurant di McDonalds. Na momento cu Mariën a aserca e homber di 19 aña y a pidi pa duna su cosnan bek e sospechoso a ataca Mariën cu un cuchiu grandi, cu blade di entre 30 I 40 centimeter. A hinka Mariën den su pianan, despues e ta hinca Mariën dos ves na su bariga.
E hinkamento a sosode den careda di 1’or di merdia, Mariën ta huy pa e sospechoso den filial di McDonalds. Trahadornan di McDonald’s ta yuda e yu’i Curacao, unda personal di ambulance a reanima e homber. El’a bay hospital y a fayece diaranson anochi. Polis a detene e sospechoso y tambe a haya e cuchui cu el’a usa.
