Solo di Pueblo a tuma nota di un ex trahador cu a acudi na prensa pa asina trece su keho.
E ex trahador no tin rason den su alegacion/keho! Solo di Pueblo no debe Alvaro Delgado ningun cen.
Solo di Pueblo a cumpli semper cu tur pago na Delgado, a dune tur vakantie corectamente, a cumpli cu aprobacion mutuo di terminacion, a dune 3 luna di opzeggings ( 30 mei – 30 augustus), y a cumpli cu cesantia segun indica pa Departamento di Labor.
Cu Sr Delgado a kere cu e por exigi hopi placa, y a keda desapunta, ta algo cu e mester busca acceptacion. E no por reclama derecho cu e no tin basa riba fantasia!
Vakantie:
Tur su vakantienan a wordo duna corectamente, prome cu 2021 tbt 15 dia pa aña, y despues a bira 19.6 dia pa aña.
(El’a tuma vakantie:
11 dec 14 – 23 jan 2015 viahe Colombia/ 16 dec 16 – 24 jan 2017 viahe Colombia/ 17 juli to 26 juli 2018 / 1 augustus 2019 – 18 ago 2019 viahe Colombia / 21 januari – 9 april 2020 / 1 mei 2021 – 1 juni 2021 viahe Colombia / 10 maart – 17 abril 2023 viahe Colombia.. 9 juli / 18 – 31 augustus 2023.)
Den transcurso di añanan, Delgado a biaha regularmente pa Colombia, unda su estadianan tabata di 34 pa 26 dia den exterior. Tur ta anota den su vakantie register y a mand’e tur prueba.
Na forma inesplicabel Delgado kier pretende cu e no a viaha 5 ves pa Colombia. Di unda e ta saca cu e no a biaha 5 bes pa Colombia? Su Fantasia!
Acuerdo di terminacion:
El’a bay di acuerdo cu terminacion. Prueba a keda entrega na Departamento di labor.
Opzeggings;
El’a haya opzeggings di 3 luna conforme tur regla, y etica!
Cesantia:
Solo di Pueblo a bay completamente di acuerdo cu departamento di labor, riba e pago di Cesantia. E cesantia a wordo paga un parti na September y pago final na October.
Hasta a paga dianan di no work:
Nunca a desconta ningun dia di trabao for di dje. A hasi referencia di “no work, no pay”, pero apesar di no a traha, a page hasta pa dianan cu e NO a traha. Pues su keho ta totalmente sin base
Pago durante pandemia:
Durante Pandemnia, Solo a cay poco atras den pago, pero a cumpli cu tur pago. Despues di un dobbel check, a re asegura cu a cumpli cabalmente cu su pago. Cu tur su pago. Pues su keho no ta cu e no a wordo paga, pero a dura 3 dia mas.
Tardansa di 2 pa 3 dia pa haya pago, no kemen cu no a paga:
Pa hopi añas a paga na tempo, y algun bes a tarda algun dia. Circumunstancia di momento a hasi esey, pero nunca a keda sin paga!
Departamento di labor a atende
Delgado a acudi na Departamento di Labor, unda Departamento di labor na forma profesional a intermedia. Delgado a acudi sin prueba, cu puro pensamento di fantasia. Solo a entrega tur prueba na departamento di Labor.
Awor cu e no tin pia pa para riba, unda e no por hasi su fantasianan legal, e ta tuma e caminda pa atacha nomber di Solo di Pueblo, cu yen mentira, den un acto di mala fe, cual Solo di Pueblo lo no accepta y lo tuma paso legal contra Delgado.
Ta bon pa resumi cu Delgado a traha pa Solo, un ora pa dia. E tin su trabao den dia, 8 hora pa dia na un agencia importador di cuminda.
